گاڤ

سەرۆک بارزانی پێشوازی ل شاندەکا سەربازی یا بریتانیا کر و بەحسی هێرشێن درۆنی یێن ڤان دویماهییان هاتەکرن و شاندی پشتەڤانییا خۆ بۆ هەرێمێ دیارکر.

ئەڤرۆ، پێنجشەمبییێ، 31-7-2025، سەرۆک مەسعوود بارزانی ل سەلاحەدین ل گەل شاندەکا سەربازی یا بریتانیا ب سەرۆکاتییا ئێدوارد ئالگرن، شیرەتکارێ بلند یێ بەرگرییا وی وەلاتی بۆ کاروبارێن رۆژهەلاتا ناڤین و باکوری ئەفریقا کۆمبوو.

ل گۆرەیی بەیانا بارەگایێ بارزانی، بەحسی پەیوەندییێن دناڤبەرا حکومەتا هەرێما کوردستانێ و فیدرال دا و رەوشا سیاسی یا ناڤخۆ یا هەرێمێ و دویماهی گوهۆرین، رەوشا سیاسی و ئێمناهییێ ل ئیراقێ و دەڤەرێ ب گشتی هاتەکرن.

بارەگایێ بارزانى دیارکر ژی؛ شاندا مێهڤان هێرشێن درۆنی یێن ل سەر هەرێما کوردستانێ شەرمزارکرن و پشتەڤانییا خۆ بۆ پاراستنا ئاسایش و سەقامگیرییا هەرێما کوردستانێ دوپاتدکر.

هەروەسان دیارکر ژی؛ شاندی داخوازکر ب زویترین دەم هێرش بهێنە راگرتن و هێرشکار بهێنە ئاشکراکرن و رێکارێن یاسایی ل گەل بهێنە وەرگرتن.

دازانین ژی؛ د دیدارێ دا تەکەزی ل بهێزکرنا هەڤکاری و هەماهەنگییا سەربازی و ئێمناهییێ یێن دناڤبەرا حکومەتا هەرێما کوردستانێ و بریتانیا هاتەکرن.