گاڤ

وەزارەتا کارەبێ راگەهاند؛ کارەبا 24 دەمژمێری گەهشتییە پتری 2.7 ملیۆن وەلاتییان کو دبیتە نێزیکی 40% یا خەلکێ کوردستانێ.

ئەڤرۆ، پێنجشەمبییێ، 31-7-2025، وەزارەتا کارەبێ یا حکومەتا هەرێما کوردستانێ راگەهاند؛ کارەبا 24 دەمژمێری گەهشتییە پتری دو ملیۆن و 700 هزار وەلاتییێن کوردستانێ.

دیارکر ژی؛ پترییا وەلاتییان ل سەر ئاستێ باژێرێ هەولێر، دهۆک و سلێمانییێ کارەبا 24 دەمژمێری بۆ هاتییە دابینکرن.

دازانین ژی؛ پتری دو هزار و 517 موەلیدەیێن گازوایلێ هاتینە ڤەمراندن و هەتا 2026ێ د پلانا حکومەتا هەرێما کوردستانێ دا یە پتری حەفت هزار موەلیدەیان بڤەمرینیت.

ئاشکراکر ژی؛ ل گۆرەیی بهایێن نوی، ب هەڤبەری ل گەل هەردو کارەبێن نیشتیمانی و یا موەلیدەیی، پتری 80% یا خەلکی پارەیێ کارەبێ کێمتر ددەن.

ل دۆر هژمارا وان موەلیدەیێن د پرۆژەیێ رۆناهی دا هاتینە ڤەمراندن وەزارەتێ دیار ژی کر؛

دهۆک

• ژمارەیا موەلیدەیان: 265

هەولێر

• ژمارەیا موەلیدەیان: 1,734

سلێمانی

• ژمارەیا موەلیدەیان: 518

سەرجەمێ گشتی: 2،517

ل دۆر دویماهی ئامارا وەلاتی و هەڤپشکێن ناڤا پرۆژەیێ رۆناهی، وەزارەتا کارەبێ ئاشکراکر ژی؛

دهۆک

• وەلاتی: 288,000

• هەڤپشک: 79,000

هەولێر

• وەلاتی: 1,458,000

• هەڤپشک: 380,000

سلێمانی

• وەلاتی: 976,500

•  هەڤپشک: 257,000

سەرجەمێ گشتی:

• وەلاتی: 2,722,500

• هەڤپشک: 716،000

پرۆژەیێ رۆناهی ئێک ژ دەستپێشخەرییێن کابینەیا نەهێ یا حکومەتا هەرێما کوردستانێ یە، ل مەها چریا دویێ یا سالا بۆری ژ ئالییێ مەسروور بارزانی، سەرۆکوەزیرێ هەرێما کوردستانێ ڤە هاتە راگەهاندن و ل 14ێ گولانێ ب پترییا دەنگان، پرۆژە ل جڤاتا وەزیران هاتە پەسەندکرن.

ئارمانج ژ پرۆژەیی ئەوە هەتا دویماهییا ئەڤ سالە سەنتەرێ هەر چار باژێرێن دهۆک، هەولێر، سلێمانی و هەلەبجە ببیتە 24 دەمژمێری، هەروەسان هەتا دوماهییا 2026ێ ژی کارەبا کوردستانێ هەمییێ ژ مال و جهێن بازرگانى ببیتە 24 دەمژمێری.