گاڤ

کۆمسیۆنا هەلبژارتنان یا ئیراقێ راگەهاند؛ هەمی بەرهەڤی بۆ برێڤەبرنا تیروپشکا دیارکرنا ژمارەیا هەڤپەیمانی، پارتی و کاندیدان دا هاتینە کرن و دەما تیرۆپشکێ هاتە گوهۆرین.

پێنجشەمبییێ 7ێ تەباخا 2025ێ، بیلال سامه‌رائی، سه‌رۆكێ لیژنەیا راكێشانا تیروپشكا ژمارەیا هەڤپەیمانی، پارتی و کاندیدان بۆ هەلبژارتنان ل کۆمسیۆنا هەلبژارتنان راگەهاند؛ هەمی بەرهەڤی بۆ تیروپشکێ هاتینە کرن و بێی چو کێشە دێ پرۆسە هێتە برێڤەبرن.

سامه‌رائی دیارکر ژی؛ گوهۆرین د دەما تیرۆپشکێ دا هاتییە کرن و بڕیارە ل شوینا دەمژمێر 11ێ بەری نیڤرۆ ل رۆژا شەمبییێ 9ێ تەباخێ پرۆسە بهێتە برێڤەبرن دێ ل ئێڤارا هەمان رۆژ هێتە برێڤەبرن.

ل دۆر ئەگەرێ گوهۆرینا دەمێ پرۆسەیێ، سامه‌رائی گۆت ژی: مەبەست ژ گوهۆرینێ بۆ وێ یەکێ یە نوینەرێن هەمی ئالی و قەوارەیێن سیاسی و سازییێن راگەهاندنێ، بەرهەڤبن و دەمەکێ زێدەتر پێ بهێتە دان.

ل 9-4-2025، نڤیسینگەها محەمەد شیاع سوودانی، سەرۆکوەزیرێ ئیراقێ راگەهاند؛ ب پترییا دەنگان، جڤاتا وەزیران 11ێ چریا دویێ یا ئەڤ سالە وەک رۆژا هەلبژارتنێن جڤاتا نوینەرێن ئیراقێ بۆ خۆلا شەشێ دەستنیشان کر.