گاڤ

محەمەدێ حاجی مەحموود، د سالڤەگەرا دانانا پارتییا سۆسیال دیمۆکرات یا کوردستانێ دا راگەهاند؛ باشترین چارەسەر ئەوە جڤاتەکا سیاسی بهێتە پێکئینان و خۆ ڤەکێشن ژ بەغدا و پاشی داهاتێ کوردستانێ بهـێتە کۆمکرن و مووچە بهێتە دان.

ئەڤرۆ سالەڤەگەرا 49ێ یا پارتییا سۆسیال دیمۆکرات یا کوردستانێ ب مانۆرەکا سەربازی ل هەلەبجە هاتە ساخکرن و گۆتارەک ژ ئالییێ سەرۆکێ پارتییێ ڤە هاتە پێشکێشکرن.

ئەینییێ 8ێ تەباخا 2025ێ، محەمەدێ حاجی مەحموود، سەرێ پارتییا سۆسیال دیمۆکرات یا کوردستانێ راگەهاند؛ بڕینا مووچە و بودجەیێ هەرێما کوردستانێ ژ ئالییێ بەغدا ڤە نەرەوایە.

ل دۆر پرسا مووچەیێ مووچەخۆرێن هەرێما کوردستانێ دیارکر ژی؛ باشترین چارەسەر بۆ خەلکێ کوردستانێ ئەوە جڤاتەکا سیاسی بهێتە پێکئینان و خۆ ڤەکێشن ژ بەغدا و پاشی داهاتێ کوردستانێ بهـێتە کۆمکرن و مووچە ژ وی بهێتە دان.

حاجی مەحموودی گۆت ژی: چو تشت نەمان کوردان بۆ بەغدا نەکری، داهات و پەترۆل رادەستکرن، هەر تشتەکێ د دەستان دا هەیی رادەستکر، یێ کو د بەرنامەیا حکومەتا ئیراقێ دا نەبیت، کوردە.

ئەوژی دیارکر؛ دا کو ئیراق مووچەیێ خەلکێ مویسل و تکریت بدەتێ، د شەڕێ داعـ.شێ دا مە سەنگەر لادا و مە پارە رادەستی داعـ.شێ کر، مە گۆت خەلک گونەهە.

حاجی مەحموودی دازانین ژی؛ بەغدا مووچەیێ مللەتەکێ پتری شەش ملیۆن کەسی رادگریت و ئەڤە د چو قامۆسان دا نینە.