مۆرینیۆ نەما راهێنەرێ یانەیا فەنەرباخچە
08/29/2025 - 11:10
بەلاڤ بکە
گاڤ
یانەیا فەنەرباخچە یا تورکی راهێنەرێ خۆ یێ پۆرتۆگالی ژۆزێ مۆرینیۆ ژ راهێنەراتییا تیمێ دویر کر، پشتی نەگەهشتی چامپیۆنسلیگێ.
یانەیا فەنەرباخچە یا تورکی ل مالپەر و ئەکاونتێن خۆ یێن سوشیال میدیایێ نەمان و بەردەوام نەبوونا مۆرینیۆی ل گەل تیمێ راگەهاند و نڤێسییە: سوپاییسا وی دکەین بۆ خزمەتا وی ل گەل یانێ و داخوازا سەرکەفتنێ بۆ وی دکەین د کارێ وی یێ پاشەرۆژێ دا.
مۆرینیۆ 15 هەیڤان راهێنەراتییا یانەیا فەنەرباخچە یا تورکی کر، لێ پشتی نەشیایی د ڤاڤارتنێن چامپیۆنسلیگێ دا یانەیا تورکی دەربازی قارەمانییێ بکەت و ل گەل یانەیا بنفیکا ب ئەنجامێ گۆلەکێ بێ بەرامبەر شکەستی، فەنەرباخچە ئەڤرۆ بریارا دەرکرنا وی دا.
