گاڤ

سەرۆکوەزیرێ هەرێما کوردستانێ ب هەلکەفتا برنا جاما ڤۆلیبۆلا کچان یا ئیراقێ پیرۆزباهی ل هەرسێ یانەیێن پلە ئێک، دو و سێ کر و راگەهاند؛ گەرمترین پیرۆزباهییان ئاراستەیی وان دکەم و هیڤییا پێشکەفتنێ بۆ وان دخوازم.

شەمبییێ 30ێ تەباخا 2025ێ، مەسروور بارزانی، سەرۆکوەزیرێ هەرێما کوردستانێ د بەیانەکێ دا راگەهاند؛ بۆ بدەستڤەئینانا پلەیا ئێک، دو و سێ یا قارەمانییا ڤۆلیبۆلا کچان یا ئیراقێ، گەرمترین پیرۆزباهییان ئاراستەیی سەرۆک، راهێنەر و یاریکەرێن هەر ئێک ژ یانەیێن سەنحاریب ل دهۆکێ، ئەکاد ل عەنکاوە و یانەیا قەرەقۆش/بەخدێدا یێ دکەم.

مەسروور بارزانی دیارکر ژی؛ هیڤییا پێشکەفتنێن بەردەوام بۆ دخوازم و دوپاتییێ ل پشتەڤانییا خۆ بۆ وەرزشڤان و بزاڤا وەرزشی یا کوردستانێ دکەین.

دوهی ئەینییێ، یارییا دویماهییێ یا ڤۆلیبۆلا کچان یا یانەییێن ئیراقێ دناڤبەرا یانەیا سەنحاریب و ئەکاد دا ل هەولێرا پایتەخت هاتە برێڤەبرن و یانەیا سەنحاریب شیا ب ئەنجامێ 3-1 سەربکەڤیت و ببیتە قارەمانا یانەیێن ڤۆلیبۆلا کچان.