گاڤ

پەیامنێرێ گاڤ دا زانین؛ ژنەکا خەلکا ئاکرێ د ژییێ 25 سالییێ دا یە تووشی تایا خوینبەربوونێ بوویە و نوکە ل ل دهۆکێ چارەسەرییێ وەردگریت.

دوشەمبییێ 1ێ ئیلۆنا 2025ێ، شێکران زێباری، پەیامنێرێ گاڤ ل ئاکرێ راگەهاند؛ ژنەکا خەلکا ئاکرێ ئاکنجییا گوندێ هەرنێیە کارێ بخودانکرنا ئاژەلی دکەت تووشی تایا خوینبەربوونێ بوویە.

دیارکر ژی؛ پێشتر ژ ئەگەرێ دیاربوونا نەخۆشییا تایا خوینبەربوونێ بۆ نەخۆشخانەیا ئازادی ل دهۆکێ هاتبوو ڤەگوهاستن لێ پاشی دیاربوو کو هەلگرا نەخۆشییێە.

زێباری هەروەسان گۆت ژی: ئەو ژن د ژییێ 25 سالییێ دا یە و ناڤێ وێ ( پ ، خ ، خ )، رەوشا وێ نوکە جێگیرە و ل دهۆکێ چارەسەرییێ وەردگریت.

ئەڤە د دەمەکی دا یە، ل هەرێما کوردستانێ د دو مەهێن بۆری دا شەش کەس تووشی تایا خویبەربوونێ بووینە و ئێک ژوان ژن بوویە و ژیانا خۆ ژدەستدایە، هەروەسان نوکە 37 گوندێن سنۆرێ پارێزگەها دهۆکێ د گەرەنتینەیێ دانە.