گاڤ

کۆمسیۆنا بلند یا سەربەخۆیا هەلبژارتنان تەماکرنا رێکارێن لیستا دویماهییێ یا بەربژاران راگەهاند و ئاشکرا کر: هەتا نوکە زێدەتری 700 بەربژاران ژ پرۆسا هەلبژارتنان هاتینە دویرئێخستن.

عیماد جەمیل، سەرۆکێ تیما راگەهاندنێ یا کۆمسیۆنێ بۆ رۆژنامەیا سەباح دیار کر: پرۆسەیا پەسەندکرنا ناڤێن بەربژاران 30 رۆژان بەری دەنگدانا تایبەت دێ هێتە ئەنجامدان کو بریارە ل 9 ی چریا دوێ یا سالا 2025ێ بهێنە کرن.

سەرۆکێ تیما راگەهاندنا کۆمسیۆنێ ئاشکرا کر: بریارە دەستپێکا چریا ئێکێ ناڤێن بەربژارێن پەسەندکری بهێنە راگەهاندن و ئەگەرێ گوهرینێ د لیستا بەربژارێن دویرئێخستی دا هەیە.

دەبارەی کارمەندێن سەرسندۆقان ژی عیماد جەمل گۆت: 250 بۆ 260  هزار کارمەند بۆ سەر سندۆقان ب رێیا تیرۆپشکێ دێ هێنە هەلبژارتن و راهێنان پێهێنەکرن.