گاڤ

رێڤەبەرێ گشتی یێ تۆمارکرنا کۆمپانییێن هەرێمێ راگەهاند؛ کۆمبوونەک دناڤبەرا شاندێ هەولێر و بەغدایێ دا هاتە برێڤەبرن و رێککەفتن ل سەر سیستەمێ ئەسیکۆدا هاتەکرن.

سێشەمبییێ 2ێ تەباخا 2025، بلند مەم، رێڤەبەرێ گشتی یێ تۆمارکرنا کۆمپانییێن هەرێما کوردستانێ راگەهاند؛ ب بەرهەڤبوونا هەر ئێک ژ نوینەرێ وەزارەتا ناڤخۆ،  وەزارەتى ناوخۆ و رێڤەبەرێ گشتی یێ گەشەپێدانا پیشەسازی، رێڤەبەرێ گشتى یێ گومرگێ و رێڤەبەرێ کونترۆلا جۆری ل گەل هەڤکویڤێن وان و سامى سوودانی، شیرەتکارێ سەرۆکوەزيرێ حکومەتا فیدرال کۆمبوونەکا بەرهەمدار هاتە برێڤەبرن.

ل دۆر بڕیارێن هاتینە دان مەمی گۆت ژی: رێککەفتن ل سەر سیستەمێ ئەسیکۆدا کو ئەڤ سیستەمە د هەیامێن بۆری دا ئێک بوو ژ کێشە و ناکۆکییێن دناڤبەرا هەدو ئالییان دا و بتنێ بازرگان و کۆمپانییێن هەرێما کوردستانێ باجا وێ ناکۆکییێ ددا، هاتەکرن.

مەمی هەروەسان دا زانین ژی؛ د رێککەفتنێ دا بڕیار ل دۆر بکارئینانا ژمارەیا بازرگانی یا کۆمپانییان(UEN) کو پێکهاتییە ژ چاردە ژمارەیان هاتەدان و ببیتە بنەمایەک بۆ وەرگرتن و پشکداریکرنێ د سیستەمێ ئەسیکۆدا و بۆ ژ نوکە و وێڤەکۆمپانییێن هەرێما کوردستانێ پێدڤی ب ناسنامەیا باجێ نابیت.

مەمی ئاماژە ب وێ یەکێ کر ژی؛ کێشەیا هەیاما بۆری هاتە چارەکرن و کۆمپانییێن کوردستانێ ب گشتی دشێن وەک کۆمپانییێن ناڤەراست و خوارێیا ئیراقێ کارێ بازرگانییا هاوردە و هناردەکرنا خۆ ب رەنگەکێ ئاسایی بکەن.