ئەمریکا هێزێن خۆ ژ ئیراقێ ڤەناکێشیت
بەلاڤ بکە
گاڤ
بەرپرسەکێ ژ وەزارەتا بەرگرییا ئەمریکا راگەهاند: ل سەر داخوازا حکومەتا ئیراقێ، دێ هێزێن خۆ ل ئیراقێ هێلین.
بەرپرسەکێ ژ وەزارەتا بەرگرییا ئەمریکا بۆ مەدیا عەرەبی راگەهاند: واشنتۆن پێگیرە ب پەیوەندیێن خۆ ل گەل هەڤپشکێن خۆ یێن ئیراقی، د چارچووڤەیێ هاریکارییا بەردەوام ل سەر ئاستێ ئەمنی و سەربازی.
وی بەرپرسێ ئەمریکی ئاماژە ب وێ یەکێ ژی دا: ل سەر داخوازا حکومەتا ئیراقێ هێزێن مە ل ئیراقێ دێ مینن و هێزێن وان ب هەماهەنگی و شیرەتکاریێ دێ ل گەل حکومەتا ئیراقێ و هەمی ئەندامێن خۆ یێن هەڤپەیمانییا دژی تیرۆرستێن داعشێ دێ بەلاڤبن.
ئەڤ داخویانییا وی بەرپرسێ وەزارەتا بەرگرییا ئەمریکا ل دەمەکی یە، مەدیایێن ئیراقی بەری چەند رۆژان بەلاڤکربوو، ل ناڤەراستا ڤێ مەهێ بنگەهێ سەربازییێ ئەمریکی عەین ئەسەد ب تەمامی دێ هێتە چوولکرن و هێزێن وان بۆ هەولێر و پشکەکا بنگەهێن وان ل وەلاتەکێ جیران هێنە ڤەگۆهاستن.
