گاڤ

ل گۆرەی سەنتەرەکێ نوشداری یێ ئەمریکی: ئەو کەسێن مۆبایلێ ل تەوالێتان بۆ دەمەکێ درێژ ب کاردئینن و پێڤە مژیل دبن مەترسیا تووشبوونێ ب باوەسیرێ ل سەر وان زێدەترە.

ل گۆرەی سەنتەرێ نۆشداریییێ BIDMC یێ ئەمریکی: ئەو کەسێن بەردەوام مۆبایلێ ل گەل خۆ دبەنە د تەوالێتێ ڤە مەترسییا تووشبوونێ ب باوەسیرێ ب رێژەیا46٪ ل سەر وان زێدەترە ژ بەرکو مۆبایل مرۆڤی مژویل دکەت و کارتێکرن و فشارەکا زێدە ل سەر خینهێنەران دروست دکەت.

ل گۆرەی لێکۆلینا سەنتەرێ نوشداری یێ ئەمریکی: نێزیکی 37٪ یا وان کەسێن مۆبایلێ ب کاردئینن زێدەتری پێنج خۆلەکان ل ناڤا تەوالێتان دمینن.

دا زانین ژی: تووشبوون ب باوەسیرێ راستە راست ئەگەر نە مۆبایلە لێ ئەو دەمێ درێژە کو مرۆڤ ب مۆبایلێ  دناڤا سوشیالێ دا پێڤە مژیل دبیت ژ وان ژی خواندنا نووچەیان یان ژی خۆ مژیلکرن ب یارییێن ئەلکترۆنی ڤە.

ل گۆرەی داخویانییەکا ئێک ژ سەرپەرشتێن لێکۆلینێ، ئەپلکەیشێن مۆبایلێ هوسا هاتینە دروستکرن دەما بکارئینەر خۆ پێڤە مژیل دکەت هایژ دەمی نەمینیت، د بیتە ئەگەرێ هندێ کو مرۆڤ زێدەتر ل ناڤا تەوالێتان ب مینیت فشارەکا مەزن ل دوردورێن جهێ دەرکەفتنا پیساتییێ دورست دکەت.