گاڤ

ڤەکۆلینەکا نۆشداری هۆشداری دایە کو ئەو کەسێن ب بەردەوامی پاراسیتامۆلی دخۆن، ئەگەرێ تووشبوونا وان ب حالەتێن کۆژەک وەکی نەخۆشییێن دلی و جەلتەیا مێشکی زێدەترە، بەروڤاژی وێ یەکێ یا بەری نوکە دهاتە گۆتن.

هەرچەندە پاراسیتامۆل وەک بژاردەیەکا سەلامەتتر دهاتە دانان ل گۆرەیی دەرمانێن دژی هەوکرنێ یێن ناستیرۆید (NSAIDs) وەکی ئیبوپڕۆفین، لێ د ڤەکۆلینەکا سالا 2022 دا دەرکەفت کو کاریگەرییا وێ ل سەر فشارا خوینێ هەروەک وان دەرمانا یە، یێن کو ب بلندکرنا فشارا خوینێ و زێدەکرنا ئەگەرێ تووشبوون ب نەخۆشییێن دلی دهێنە نیاسین.

ب گۆتنا شارەزایان، بلندبوونا فشارا خوینێ ژ ئەگەرێ بکارئینانا بەردەوام یا پاراسیتامۆلی، ئەگەرێ تووشبوون ب نەخۆشییێن دلی یان جەلتەیا مێشکی هەتا 20% زێدە دکەت.

ئەو نەخۆشێن وی دەرمانی بکاردئینن کو گەلەک جاران بۆ چارەسەرییا ئازارا دومدرێژ دهێتە بکارئینان، بۆ دەمەکێ درێژ دهێنە شیرەتکرن کو ب کێمترین ژەما کاریگەر بۆ کێمترین هەیام بکاربئینن.

پرۆفیسۆر جەیمس دیێر، مامۆستایێ دەرمانسازییا کلینیکی ل زانکۆیا ئەدینبۆرگ دبێژیت: ئەڤ ڤەکۆلینە ب ڕۆهنی نیشان ددەت کو پاراسیتامۆل پترین دەرمانە ل جیهانێ دهێتە بکارئینان، فشارا خوینێ بلند دکەت، کو ئەگەرەکێ سەرەکی یێ مەترسیێیە بۆ تووشبوون ب جەلتەیا دلی و جەلتەیا مێشکی.

پرۆفیسۆری داخواز ژ نۆژشداران و نەخۆشان کر کو مفایێن وێ بەرانبەری مەترسییێن وێ هەلبسەنگینن، ب تایبەتی بۆ وان نەخۆشێن کو مەترسیا تووشبوون ب نەخۆشیێن دلی و خوینبەران هەی و دبێژیت: وان دیارکرییە بۆ بلندکرنا فشارا خوینێ ل دەف وان نەخۆشێن کو فشارا وان یا خوینێ یا بلندە، تنێ دو حەفتی چارەسەرکرن ب پاراسیتامۆلی بەسن.