گاڤ

یانەیا زاخۆ د قارەمانییا جاما کەنداڤی دا سەرکەفتن ل سەر یانەیا قادسیە یا کوێتی تۆمارکر.

سێشەمبییێ 30ێ ئیلۆنا 2025، کورێن خابیری ب نوینەراتییا ئیراقێ و کوردستانێ د یارییا ئێکێ دا و قویناغا ئێکێ ژ قارەمانییا جاما یانەیێن کەنداڤی، شیا سەرکەفتنێ ل سەر یانەیا قادسیە یا کوێتی تۆماربکەت.

یاری ب ئەنجامێ 3-1 ب دویماهی هات و گۆلێن یانەیا زاخۆ ژ ئالییێ هەر ئێک ژ دێپیۆتی و شێرکۆ کەریمی ڤە هاتنە تۆمارکرن، شێرکۆ کەریمی دو گۆل تۆمارکرن.

ژ بەرکو یاری د یاریگەها یانەیا دهۆک دا هاتە برێڤەبرن، یانەیا دهۆک پیرۆزباهی ل کورێن خابیری کر و راگەهاند؛ کارگێری و پشتەڤانێن یانەیا دهۆک، ب هەلکەفتا سەرکەفتنا وێ یا ڤەکرنا قارەمانییا یانەیێن کەنداڤی ل سەر یانەیا قادسیە یا کوێتی پیرۆزباهییێن خۆ ئارستەیی یانەیا زاخۆ دکەت.