گاڤ

ئەمریکا دێ پەیکەرێ بزنا کویڤی یا ئیراقێ ڤەگەرینیت کو دیرۆکا وێ بۆ 4 هزار و 500 سالان بەری نوکە ڤەگەریت.

بالیۆزخانەیا ئیراقێ ل واشنتۆنێ د تورا جڤاکی یا ئێکسی دا بەلاڤکر: ئەڤرۆ دێ ئاهەنگێ گێرین ب هەلکەفتا رادەستکرانا پەیکەرێ بزنا کویڤی، ئەڤ هەلکەفتە نە ب تەنێ کلتۆری یە، بەلکو پشتراستکرنا پێگەهێ مە یێ سروشتی یە وەک لاندکا شارستانیەتا مرۆڤاتییێ.

دا زانین ژی: ئەڤ پارچەیا کێم وێنە، رەنگڤەدانا ھونەرێ کانزایی یە ل شارستانیەتا مە یا کەڤن، کو دیرۆکا وێ بۆ زێدەتر ژ 4500 سالان بەری نوکە ڤەدگەریت.

پشتی کۆنترۆلکرنا ئیراقێ ژ ئالییێ ئەمریکا ڤە ل سالا 2003ێ دەڤەرێن شوینواری ل ئیراقێ راستی وێرانکاریێ بوون هاتنە تێکدان، نێزیکی 32 هزار پاڕچەیێن شوینواری هاتنە دزین و بەرزەبوون، ب تەنێ ل مۆزەخانەیا بەغدا نێزیکی 15 هزار پارچەیێن شوینواری چارەنڤیسێ وان دیار نەما.