گاڤ

ل گۆره‌ى ئامار و راپۆرتێن نوى یێن فه‌دراسیۆنا دلى (WHF) سازییا دلى یا بریتانى (BHF)، ئێدى نه‌خۆشیێن دلى تایبه‌ت نینن ب دانعه‌مران بتنێ ڤه‌، به‌لكو ب ئاوایه‌كێ ترسناك گه‌نجێن ژیێ وان 20 بۆ 30 سالییێ ژى دبنه‌ ئارمانج.

پسپۆر هوشدارییێ دده‌ن كو ته‌رزێ ژیانا سه‌رده‌م، گڤاشتنێن ده‌روونى و خه‌مسارى د كرنا پشكنینێن پێشوه‌خت دا، ئه‌گه‌رن بۆ تووشبوونا گه‌نجان ب جه‌لته‌یا دلى.

ل گۆره‌ى فه‌دراسیۆنا جیهانى یا دلى، نه‌خۆشیین دلى بكوژێن ئێكێنه‌ لسه‌ر ئاستێ جیهانى و سالانه‌ 20.5 ملیۆن كه‌س پێ دمرن واته‌ زێده‌تر ژ په‌نجه‌شێرێ، رویدان و نه‌خۆشییان، ئه‌گه‌ر ژى ڤه‌دگه‌ڕن بۆ گه‌له‌ك ده‌مژمێرێن كارى، زێده‌بوونا گڤاشتنێن ده‌روونى و نه‌هه‌ڤسه‌نگییا ته‌رزێ ژیانێ.

دکتۆر بیلال تانگال، ل ناڤه‌ندا پشكنینا ساخله‌مییێ  NURA، ل هندستانێ دبێژیت، جه‌لته‌یا دلى دناڤ گه‌نجان دا، بله‌ز به‌ره‌ڤ هه‌لكێشانێ یه‌، ته‌نانه‌ت دناڤ یێن ژیێ وان 20 و 30 سالى ژى دا. كاركرنا ب ستێرس، شه‌ڤ و رۆژ كاركرن، خوارنا خوارنێن ئاماده‌كرى، كێم لڤین، هه‌مى ب بێده‌نگى كاریگه‌رینه‌ و ئه‌گه‌رێن سه‌ره‌كینه‌.

فه‌دراسیۆن دبێژیت، پتر ژ 80% ژ مرنێن پێشوه‌خت، دشیاندایه‌ ب گهۆڕینا ته‌رزێ ژیانێ و وه‌ر‌گرتنا چاره‌سه‌رییێن گونجاى رێگرى لێبهێته‌كرن.