گاڤ

وه‌زاره‌تا كار و كاروبارێن جڤاكى یا ئیراقێ ده‌ست ب پێدانا قه‌رێن ده‌مدرێژ بۆ گه‌نجان كرى یه‌ كو هه‌ر گه‌نجه‌كى دێ 50 ملیۆن دیناران ده‌تێ وه‌كو پشته‌ڤانیكرن ل پرۆرژه‌یێن وان و بۆ كێمكرنا هه‌ژارییێ.

حەسەن خەوام، په‌یڤدارێ وه‌زاره‌تا كار و كاروبارێن جڤاكى  ئه‌ڤرۆ راگه‌هاند، قه‌رێن ده‌مدرێژ یێن ژ لایێ وه‌زاره‌تێ ڤه‌ هاتینه‌ راگه‌هاندن، 3 جورن ژ 20 ملیۆنان ده‌ستپێدكه‌ن تا 50 ملیۆن دیناران.

ئاماژه‌ ب وێ ئێكێ ژى كر، ئه‌و قه‌ر پشته‌ڤانییه‌كا باشن داكو گه‌نج بشێن ببنه‌ خودان كارێن خۆ.

دا زانین ژى، پرۆژه‌یێ وه‌زاره‌تێ قه‌رێن ستراتیجى ژى بخۆڤه‌ دگریت كو كێمترن ژ 10 ملیۆن دیناران بۆ كێمكرنا هه‌ژارییێ و دێ 13 هزار گه‌نج ژێ مفادار بن.

په‌یڤدارێ وه‌زاره‌تا كار و كاروبارێن جڤاكى گۆت ژى، ئه‌ڤ رێكاره‌ ئه‌گه‌ر بوون بۆ كێمكرنا رێژه‌یا هه‌ژارییێ  ژ ١٦.٥٪ بۆ نێزیکى ١٤٪، و بزاڤێ دكه‌ن وێ رێژه‌یێ بیننه‌ خوار بۆ  ١٠٪ .