ئیراق ژى چوو پشتهڤانییا پێشنیازا ترامپى یا راوهستاندنا شهڕى
بەلاڤ بکە
گاڤ
وهزارهتا دهرڤه یا ئیراقێ پێشنیازا سهرۆكێ ئهمریكا ب ئهرێنى ناڤكر و راگههاند، بجهئینانا وێ دێ نههامهتیێن غهززه ب دوماهى ئینیت.
ئیراقێ پشتهڤانییا خۆ بۆ پلانا دۆنالد ترهمپ، یا راوهستاندنتا شهڕى ل غهززه راگههاند و وهزارهتا دهرڤه ژى پێشوازى ل دهستپێشخهرییا سهرۆكێ ئهمریكا كر و دیاركر، پێشنیاز دێ رێ ل ڤهگوهاستنا فلستینییان گریت و دێ دوماهى ب نههامهتى و ئێش و ئازارێن غهززه ئینیت.
ل دۆر نهگههشتنا هاریكاریێن مرۆڤى ژى وهزارهتا دهرڤه یا ئیراقێ ئاشكراكر، گهرهنتییا گههاندنا هاریكارییێن مرۆڤى دێ هێتهكرن.
29ى مهها بۆرى دۆنالد ترهمپ، سهرۆكێ ئهمریكا 20 خال بۆ دوماهى ئینان ب شهڕێ غهززه پێشنازكرینه، بنیامێن نهتهنیاهۆ، سهرۆكوهزیرێن ئسرائیلێ ژى رازبوونا خۆ ل سهر نیشان دا.
د ناڤا پێشنیازا وى دا تۆنى بلێر، سهرۆكوهزیرێن پێشتر یێ بریتانیا دیاره كو بۆ برێڤهبرنا فلستینێ و جڤاتا د ناڤا پێشنیازا ترهمپى دا دیاره.
پلانا ترهمپى:
- ئازادكرنا گرتیێن ئسرائیل و فلستینێ
- حهماس ژ چهك بهێتهكرن
- جڤاتهكا تهكنۆكرات بۆ فلستینێ بهێته چێكرن
- جڤات ژ ئالیێ تۆنى بلێر ڤه بهێته برێڤهبرن
گهلهك وهلاتان بۆ پشتهڤانییا خۆ بۆ پێشنیازا دۆنالد ترهمپ، سهرۆكێ ئهمریكا یا راوهستاندنا شهڕى دیاركریه و تا نوكه حهماسێ ئهو پلان رهتكریه لێ دهلیڤه ههیه بكهڤیته ژێر گڤاشتنان و ب مهرجێ گوهۆڕینا هندهك خالان رازى ببیت.
