گاڤ

وەزیرێ وزەیێ و ژێدەرێن سرۆشتی یێ تورکیا راگەهاند؛ کەشتییا ئێکێ یا پەترۆلا 'هەرێما کوردستانێ' ل بەندەرێ جەیهان هاتە بارکرن، تورکیا بازرگانی ب وێ پەترۆلێ نەکرییە بتنێ ڤەگوهاستییە.

پێنجشەمبییێ 2ێ چریا دویێ یا 20205، ئالپئارسلان بایراکتار، وەزیرێ وزەیێ و ژێدەرێن سرۆشتی یێ تورکیا د دیدارەکێ دا ل گەل میدیایا وەلاتێ خۆ راگەهاند؛ ڕۆژا پێنجشەمبی، ل بەندەرێ جەیهان، کەشتییا ئێکێ یا پەترۆلا 'هەرێما کوردستانێ' هاتییە بارکرن.

بایراکتاری دیارکر ژی؛ د پرسا ڤەگوهاستنا پەترۆلێ دا چ شاشییێن یاسایی کربن تورکیا بتنێ پەترۆلا ئیراقێ ڤەگوهاستییە.

بایراکتاری ئاشکراکر ژی؛ مە بازرگانی ب پەترۆلا 'هەرێما کوردستانێ' نەکرییە و ل نک خۆ نەهێلایە، بەلکی بتنێ مە ڤەگوهاستییە، لەوما بلا ئیراق دۆسیەیێ ل سەر وان ڤەکەت، یێن پەترۆلا 'هەرێما کوردستانێ' وەرگرتی، نەک تورکیا.

وەزیرێ وزەیێ یێ تورکیا بەحسی وێ ئێکێ ژی کر، ئەمریکا ب دەستپێکرنا هنارتنا پەترۆلا 'هەرێما کوردستانێ' و پەترۆلا دی دلخۆشە، چونکی ب هنارتنا پەترۆلێ دێ بهایێ وێ کێم بیت.

بایراکتار بەرەڤانی ژ وەلاتێ خۆ کر کو پەترۆلا هەرێما کوردستانێ ڤەگوهاستییە و گۆت: وان گۆتییە ئیراقێ ئەگەر هوین نەخوازن پەترۆلا 'هەرێما کوردستانێ' بهێتە ڤەگوهاستن، هوین ب خۆ د ئاخا خۆ دا کۆنترۆل بکەن.

وەزیرێ وزەیێ یێ تورکیا ڕەخنە ل هەرێما کوردستانێ و ئیراقێ گرتن و ئاماژە ب وێ ئێکێ کر، دو سالێن تەمامن بۆ ڤەگوهاستنا پەترۆرلێ ئەو د بەرهەڤن، لێ هەولێر و بەغدا بەرهەڤنەبوون و دو سالان ئەو ل هیڤییێ ماینە.

بایراکتاری ل سەر سکالایا ئیراقێ ل دژی وەلاتێ خۆ ئاشکراکر ژی؛ ژ سالا 2014ێ گۆتییە ئیراقێ بلا وەک دو جیران ب دۆستینی کێشەیێن خۆ چارە بکەن، چونکی ئەو پەترۆلا ژ 2013ێ هاتییە ڤەگوهاستن و بوویە کێشە، پەترۆلا ئیراقێ بوویە، لێ وان ڕێکا دادگەهێ هەلبژارت و دەستپێکرنا هنارتنا پەترۆلێ ژی ڕاستییا ئاخڤتنا تورکیا سەلماند.