گاڤ

به‌رپرسێن ئه‌مریكى و ئیراقى بۆ مالپه‌ڕێ شه‌رق ئاخفتینه‌ و دیاركریه‌، ئه‌و د خوازن رێككه‌فتنا د ناڤبه‌را هه‌ولێر و به‌غدایێ دا بۆ هنارتنا په‌ترۆلا هه‌رێما كوردستانێ دۆم درێژ بیت.

مالپه‌ڕێ ئه‌لشه‌رق د راپۆرته‌كێ دا به‌حس ل گرنگییا هنارتنا په‌ترۆلا هه‌رێما كوردستانێ بۆ ئیراق و ئه‌مریكا كرییه‌ و دخوازیت ئه‌و رێككه‌فتن یا دۆم درێژ بیت، ل ده‌مه‌كى رێككه‌فتن بتنێ بۆ ڤان سێ مه‌هانه‌ و پاشى جاره‌كا دى هه‌ر دو حكومه‌تێن هه‌رێم و به‌غدایێ كو چ گوهۆڕین ب سه‌ر ناڤه‌ڕۆكا رێككه‌فتنێ د ناڤبه‌را وان دا ناهێن لێ دێ جاره‌كا دى ل گه‌ل كۆمپانییان رێككه‌فتنه‌كا نوى ئیمزا كه‌ن.

هه‌روه‌سا مالپەری ئاشكراكریه‌، ئیداره‌یا دۆنالد تره‌مپ، سه‌رۆكێ ئه‌مریكا كارى ل سه‌ر گه‌ره‌نتیكرنا چوونا په‌ترۆلا هه‌رێما كوردستانێ دكه‌ت و به‌رپرسێن ئه‌مریكى ئه‌گه‌ران بۆ پشته‌ڤانیكرن ل كۆمپانیێن ئه‌مریكى و كێمكرنا هه‌ژموونا ئیرانێ ڤه‌دگه‌ڕینن.

ل گۆڕه‌یى به‌رپرسێن هه‌رێمێ و ئیراقێ ژى ئه‌مریكا ل سه‌ر خه‌ت بوویه‌ تا كو ئه‌و رێككه‌فتن هاتییه‌ ئیمزاكرن و بوویه‌ ئه‌گه‌ر پشتى ده‌مه‌كى درێژ ژ راوه‌ستاندنێ په‌ترۆلا هه‌رێما كوردستانێ جاره‌كا دى بهێته‌ ره‌وانه‌كرن.