گاڤ

ده‌سته‌یا گه‌شتوگۆزارا هه‌رێمێ دیاردكه‌ت، دو سالێن بهێن دێ هاتنا گه‌شتیاران ژبه‌ر ڤان فه‌ستیڤالان گه‌له‌ك زێده‌تر بیت و د سالێن بۆرى دا سالانه‌ 2 ملیۆن گه‌شتیاران سه‌را هه‌رێما كوردستانێ دایه‌.

ئه‌مل جه‌لال، سه‌رۆكا ده‌سته‌یا گه‌شتوگۆزارێ ل هه‌رێما كوردستانێ د كۆنگره‌یه‌كێ رۆژنامه‌ڤانى دا دیاردكه‌ت، دو سالێن بهێن دێ هاتنا گه‌شتیاران ژبه‌ر ڤان فه‌ستیڤالان گه‌له‌ك زێده‌تر بیت و د سالێن بۆرى دا سالانه‌ 2 ملیۆن گه‌شتیاران سه‌را هه‌رێما كوردستانێ دایه‌.

هه‌روه‌سا ئاشكراكر، كه‌رتێ گه‌شتیارى رۆژ بۆ رۆژێ ل هه‌رێما كوردستانێ به‌ر ب پێش دچیت و پێشڤه‌چوونا كه‌رتێ گه‌شتیارى هاریكاره‌ بۆ ئه‌كتیڤكرنا بازارێ كارى.

ئه‌مه‌لێ دیاركر، گه‌شتیارییا سنۆران گرنگییه‌كا تایبه‌ت بۆ لڤینا گه‌شتیارى هه‌یه‌ و د پلان دایه‌ كه‌رنه‌ڤالێن مه‌زن یێن مۆزیكى ل هه‌مى وه‌رزان بهێنه‌ به‌رهه‌ڤكرن.

ئه‌و كه‌رنه‌ڤال دێ ل جهێن گه‌شتیارى، ده‌ڤه‌رێن چیایى و ناڤا به‌فرێ بن و دێ بنه‌ ئه‌گه‌ر د دو سالێن بهێن دا هاتنا گه‌شتیاران ژبه‌ر ڤان فه‌ستیڤالان زێده‌تر بیت.