گاڤ
سه‌رۆكێ جڤاتا كارى یا تركیا و ئیراقێ راگه‌هاند، ل 11 هه‌یڤێن بۆرى ب بهایێ  12 ملیار و 604 ملیۆن دۆلاران كه‌لوپه‌لێن تركیا بۆ هه‌رێما كوردستانێ و ئیراقێ هاتینه‌ هنارتن.
خالد ئاجار، سه‌رۆكێ جڤاتا كارێ تركیا – ئیراقێ (DEIK)  راگه‌هاند، ل گۆره‌ى ئامارێن  وان د 11 هه‌یڤێن سالا 2022ێ دا، تركیا ب بهایێ  12 ملیار و 604 ملیۆن دۆلاران كه‌لوپه‌ل بۆ ئیراقێ هنارتینه‌ و ئارمانجا وان ئه‌وه‌ ل سالا 2023ێ هنارتنا كه‌وله‌په‌لێن تركیا بگه‌هیته‌ بهایێ 16 ملیار دۆلاران.
ئاجار گۆت ژى، ل ئیراقێ ده‌رفه‌تێن گه‌له‌ك باش بۆ وه‌به‌رهێنان و بازرگانیێ ل ئیراقێ هه‌نه‌، تركیا ژى دخوازیت قه‌باره‌یێ بازرگانیا خۆ دگه‌ل ئیراقێ زێده‌ بكه‌ت و ئاماده‌یا تركیا بۆ ئه‌نجامدانا پرۆژه‌یێن جودا جودا ل ئیراقێ نیشاندا.