ناکۆکیێن پارتی و ئێکەتیێ گەهشتنە سەرۆکایەتیا پەرلەمانی
گاڤ
دهاته چاڤهڕێكرن ڤێ حهفتیێ پهڕلهمانێ كوردستانێ دهست ب كۆمبوونێن خۆ بكهت، لێ ناكۆكیێن ناڤبهرا پارتى و ئێكهتیێ بووینه ئهگهر كۆمبوون نههێتهكرن، پارتى سوبههی دێ دهست ب گهڕهكا دانوستاندنان كهت، لێ ناهێته چاڤهڕێكرن ئهو دانوستاندنێن پارتى پشتى كۆنگرهیى بۆ جارا ئێكێ ببنه ئهگهر كۆمبوونێن پهڕلهمانى و حکومەتێ ب پلەدارێن مەزنێن ئێکەتیێ ڤە دهستپێبكهن.
جڤاتا وهزیرێن ههرێما كوردستانێ چهندین كۆمبوون بێى ئامادهبوونا جێگرێ سهرۆكوهزیران، قوباد تالهبانى و ههژمارهكا وهزیرێن ئێکەتیێ هاتینه كرن، ل دهمهكى سهرۆكا پهڕلهمانى كو ئێكهتى یه و هندهك ژ وهزیران كارێ خۆ دناڤا ههرسێ سهرۆكاتیان دا دكهن، ناكۆكیێن ههر دو ئالیان بووینه ئهگهر چوونا شاندێ حكومهتا ههرێما كوردستانێ بۆ بهغدایێ بێی ئەندامەکێ ئێکەتیێ دناڤ دابیت هاتەکرن.
لهیلا عهبدولجهبار، ئهنداما فراكسیۆنا پارتى دیمۆكراتى كوردستان بۆ گاڤ گۆت: ژبهر كێشهیێن ناڤبهرا ئێكهتیێ و پارتى كۆمبوونێن پهڕلهمانى ناهێنهكرن و ههرهدهما كێشه چاره بوون دێ دهست ب كۆمبوونان هێتهكرن و گهشبینیا خۆ ژى دهربڕى كو ل نێزیك شاندێن ههر دو ئالیان ل سهر ئاستێن بلند دێ كۆمبن دوماهیێ ب ڤان كێشه و ناكۆكیان ئینن.
ژ ئالیهكێ دى ڤ ژێدهرهكى ژ فراكسیۆنا ئێكهتیا نشتیمانیا كوردستانی بۆ گاڤ گۆت: كۆمبوونێن ل سهر ئاستێن بلند د ناڤبهرا ئێكهتى و پارتى دا دێ هێنه كرن و چ رێكێن دى نینن ژبلى گههشتن ب چارهیان.
کەسەکی نزیک سەرۆکا پەرلەمانی دیارکریە؛ نابیت ئەو وەکو ئەنداما سەرکردایەتیا ئێکەتیێ، کۆمبوونێن پەرلەمانی ب دلێ پارتی برێڤەبەت و پارتی ل هندەک جهێن دی ئاستەنگان بۆ حزبا وێ پەیداکەت.
ئهڤرۆ سێ شهمبێ، مهحموود محهمهد، پهڤیدارێ پارتى دیمۆكراتى كوردستان د كۆنگرهیهكێ رۆژنامهڤانى دا راگههاند، سوبەهی شاندهكێ پارتى دێ دهست ب سهرهدانا ئالیێن سیاسى كهت، ئێكهم سهرهدان ژى دێ بۆ ئالیێ یهكگرتوویا ئیسلامى بیت و دوپاتكر، ل گۆرى پهیڤدارێ پارتى د بهرنامهیێ وێ حزبێ دایه ل گهل ئێكهتیێ كۆمببیت و گۆت: نابیت بتنێ ب رێكا میدیایێ پهیامان بۆ ئێك ب هنێرین، بهلكو دڤێت ب دانوستاندن كێشهیان چاره بكهین.
گاڤ بهلاڤكربوو ڤێ حهفتیێ سێ پهڕلهمانتارێن پارتی دێ دەست ژ کارکێشانا وان برگەیەکا رونشتنا پەرلەمانی بیت ودێ سێ کەسێن دی سویندا قانوونى خۆن و دێ دهست بكاربن، لێ ناهێته چاڤهڕێكرن كۆمبوون بهێنهكرن، چونكى سوبەهی چارشهمبێ ژنوى دێ پارتى دهست ب دانوستاندنان كهت و تا خۆشكرنا زهمینهسازیێ بۆ كۆمبوونا پهڕلهمانى پێدڤیه پارتى و ئێكهتى ل گهل ئێك كۆمببن و چهندین كێشه و ناكۆكیێن ناڤخۆ و ل سهر ئاستێ ئیراقێ ژى ئێكلا بكهن و ل وى دهمى دێ دهست ب كۆمبوونان هێتهكرن.
چاڤدێردبینن كێشه و ناكۆكیێن ناڤبهرا پارتى و ئێكهتیێ بووینه ئهگهرێ پەیداکرنا دلگرانیا ناڤ وەلاتیان.