گاڤ

سه‌رۆككۆمارێ ئیرانێ پێشنیازا دروستكرنا دراڤه‌كێ هه‌ڤپشك بۆ ناوچێ كر و دیاركر، ئه‌و دراڤ دێ بازرگانییێ و به‌رهنگاربوونا قه‌یرانان باشتر كه‌ت.

مه‌سعوود پزیشكییان، سه‌رۆككۆمارێ ئیرانێ گۆت: د شیاندایه‌ دراڤه‌كێ دى یێ هه‌ڤپشك ل ناوچێ بهێته‌ چێكرن و گه‌شێ ب ئابۆرى بده‌ت و دیاركر، ئه‌و په‌یوه‌ندیێن ئۆلى و كلتۆرى كو وه‌لاتێن ناوچێ پێكڤه‌ گرێدده‌ن زه‌مینه‌سازییه‌كا باشن بۆ دروستكرنا دراڤه‌كى ژ وى جۆرى و ئه‌و دراڤ دێ ئاسته‌نگان ده‌رباز كه‌ت.

ئه‌ڤه‌ ل ده‌مه‌كى یه‌ ئیران ل ناوچێ هه‌مبه‌رى سزایێن گران یێن وه‌لاتێن ئه‌ورۆپى و ئه‌مریكا یه‌ و ب تایبه‌ت ژى ئه‌و سزایێن ژبه‌ر به‌رنامه‌یێ ئه‌تۆمى یێ ئیرانێ ب سه‌ر وى وه‌لاتى دا هاتینه‌ سه‌پاندن.

به‌رى ده‌مه‌كى ئیرانێ پێشنیازا لادانا سفران ژ به‌ر دراڤى دابوو، هه‌روه‌سا پاره‌یێ ئیرانێ ژى ژ ریالى دێ بیته‌ تیمه‌ن و هه‌ر ئێك تیمه‌ن ببیته‌ 10 هزار ریال، حكومه‌ت دبینیت ئه‌ڤ پێنگاڤه‌ دێ هه‌ڤسه‌نگیێ د بازارى دا روست كه‌ت.