گاڤ

ئەڤرۆ دخۆلا ستێرێن ئیراقێ دا یانەیا دهۆک دێ یانەیا نەفت مێهڤان کەت و یانەیا زاخۆ ژی ژدەرڤەی یاریگەها خۆ دێ روویبرووی یانەیا غەراف بیت.

د چارچووڤەیێ گەرا شەشی ژ خۆلا ستێرێن ئیراقێ، بریارە ئەڤرۆ هەردو یانەیێن دهۆک و زاخۆ ئێک ل ناڤا یاریگەها خۆ ئێک ژی ژ دەرڤەی یاریگەها خۆ روویبرووی هەردو یانەیێن نەفت و غەراف ببن.

یانەیا زاخۆ ل دەمژمیر 6:00ی ئێڤاری دێ یارییێ دژی یانەیا غەراف کەت و دێ هەمی بزاڤان کەت ب سێ خالان دلێ جەماوەرێ خۆ خۆش بکەت و ڤە ڤەگریت باوەشا پرا دەلال.

هەڤدەم بریارە ل دەمژمێر 8:30ی شەڤێ یانەیا دهۆک د ناڤا ئەرد و جەماوەرێ خۆ دا یانەیا نەفت مێهڤان بکەت و دێ هەمی بزاڤان کەت ل ناڤا هێلینا ئەلهۆیان دا سێ خالان پێشکێشی جەماوەرێ خۆ بکەت.

یانەیا دهۆک تا نوکە د خۆلێ دا ژ پێنج یاریان ب تنێ سێ خال کۆمکرینە یانەیا زاخۆ ژی د پێنج یاریان دا سێ سەرکەفتن هەنە.

دهۆک نۆکە د رێزبەندییا خۆلێ دا ل رێزا پازدێ دهێت، زاخۆ ژی جهێ خۆ د رێزبەندییێ دا ل رێزا نەهێ کریە.