راگەهاندنەک ژ عەبدوللا ئۆجالانی
بەلاڤ بکە
گاڤ
شاندا دەم پارتی دوهی رۆژا دوشەمبی ل ئیمرالییێ ل گەل عەبدوللا ئۆجالانی کۆمبوون و پەیامەک ژ زارێ وی بەلاڤکر.
د راگەهاندنا شاندا دەم پارتی دا دا هاتییە: دوهی ل ئیمرالییێ ل گەل عەبدوللا ئۆجالانی کۆمبووین و دیدارەکا ئێکجار یا ئەرێنی بوو کو سێ دەمژمێران ڤەکێشا و ساخلەمی و ورەیا وی گەلەک یا بلندە.
ئۆجالانی د پەیاما خۆ دا گۆتییە "ژبۆ پێشخستنا ڤێ قویناغا ئەم تێدا، پێدڤییە پتر مێژوو و جڤاکناسییێ ب گرنگی وەربگرین. گرنگە بهێتە دەستنیشانکرن کو پەیوەندییا کورد و تورکان وەکو دو جەمسەرێن سەرەکی یێن هزارەها سالان گەهشتییە ئەڤرۆ".
هەروەسا هاتییە "پێدڤییە ب دیتن و تێگەهشتن و نویژەنکرنا ڤان دو جەمسەران، پێکڤەژیان بهێز ببیت. پێدڤییە هەمی کێشەیێن مە د ئێک چارچووڤە دا بهێنە دیتن، نەک هێلان بکێشیین".
ئۆجالانی گۆتیە ژی " بزاڤێ دکەین قویناغەکا ئەرێنی گەشە بکەین، نەک یا خرابکەر و نەرێنی. پێدڤییە پرسا کوردی ب هەمی رەهەندێن خۆ ڤە ب کەڤیتە د چارچووڤەیێ یاسایا کۆماری دا. ڤەگوهاستن بۆ یاسایبوون وەک دیاردەیەکا گشتگیر، بنەمایێ یاسایێن کۆمارا دیمۆکراتیک بهێزتر دکەت".
