دویماهی زانیاری دەربارەی ئازادکرنا دەمیرتاشی
بەلاڤ بکە
گاڤ
دادگەها مافێن مروڤی یا ئەورۆپا تانەیا وەزارەتا داد یا تورکیا دەربارەی ئازادکرنا دەمیرتاشی رەتکر و دەم پارتی دبێژیت: دڤێت هەڤالێن مە بێی گیروبوون، بهێنە ئازادکرن.
هەیڤا بۆری وەزارەتا داد یا تورکیا تانە ل دویەمین بریارا دادگەها مافێن مروڤی یا ئەورۆپا دەربارەی دەستەسەرکرنا سەلاحەددین دەمیرتاش هەڤسەرۆکێ بەری نوکە یێ پارتییا دیمۆکراتیک یا گەلان(هەدەپە)دا.
د بەرسڤێ دا دادگەها مافێن مروڤی یا ئەورۆپا تانەیا وەزارەتا داد یا تورکیا رەتکر و ب ڤێ رەتکرنێ، نها بریارا دادگەها ئەورۆپی دەربارەی ئازادکرنا دەمیرتاشی بوویە بریارا دویماهییێ.
پشتی بریارا دادگەها ئەورۆپی، سەلاحەددین دەمیرتاشی د تورا جڤاکی یا ئێکسی دا راگەهاند؛" گۆمان تێدا نینە کو بریارا دادگەها مافێن مروڤی یا ئەورۆپا گرنگە و ژ رویێ یاسایی ڤە پابەندکەرە، بەلێ نە بتنێ بو مە، بەلکو بو 86 ملیۆن وەلاتیان، یاسایا برایەتییێ د ناڤبەرا مە دا ژ هەمی تشتەکی ب بهاترە".
دەم پارتی ژی دەربارەی بریارا دادگەها ئەورۆپی راگەهاند؛" تانەیا حکومەتا تورکیا هاتە رەتکرن، ژبەر هندێ بریار دەربارەی ئازادکرنا دەمیرتاشی دویماهییە، و دڤێت هەڤالێن مە بێی گیروبوون، بهێنە ئازادکرن".
