نێچیرڤان بارزانى... دهنگێ ملیۆنى
بەلاڤ بکە
حسێن قائیدى – شیرهتكار ل سهرۆكایهتییا ههرێما كوردستانێ
د دهمهكى دا ل سهر ئاستێ ئیراقێ پارتى ل رێزا ئێكێ یا پارتییانه ب دهنگ و كۆرسیێن خۆ، بهلێ ئهڤێ یهكێ د ڤێ ههڤكێشا ئالۆز دا نێچیرڤان بارزانى جێگرێ سهرۆكێ پارتى رازى نهكر ب وێ ژى، بهلكو ڤیان ڤێجارێ دهنگێن پارتى ژ ئێك ملیۆن دهنگان دهرباز بكهت و وهك چالنج نوكه د ناڤا گۆتارێن وى یێن بانگهشهیا ههلبژارتنان دا دهێته بكارئینان.
نێچیرڤان بارزانى وهك بۆسهلهكێ یه و كوردستانێ بهر ب وهستگههێ، ئارامییێ و ئاڤهدانییێ ڤه دبهت، ب تایبهت ژى د وارێ ئاشتییێ دا، ئهڤه ژبلى ئاستێ دهرڤه ل سهر ئاستێ ناڤخۆ ژى ب سهركردهیهكێ لێزان و ئاشتیخواز هاتییه ناسكرن، دزانیت چاوا قهیرانان بكهته دهستكهفت و دهلیڤه و چاوان پران د ناڤبهرا خۆ و یێن دى دا دروست بكهت.
د ئێكهم گۆتارا خۆ دا كو بۆ گهنجان بوو ل ههولێرێ بوو نموونه و نوونهرێ گهنجان ب هزر و داهێنانێن وان یێن مللهتان پێشڤه دبهت و ب نیازه ژى كوردستانێ بكهته منارهیهكا گهشهكرن و رێزگرتنێ، ئهڤه ژى ب ههلویستێن وى یێن بۆ پێكهاتان و كێم نهتهوهیان د ناڤا كوردستانێ دا ڤهدگهڕیت.
ههر ژ دهستپێكرنا بانگهشهیا ههلبژارتنان گهشبینى ئێخسته د ناڤا دهنگدهرێن پارتى و خهلكى ب گشتى ژى دا و ملیۆن كره گۆتنهك د گوهێن ههموویان دا و نهبتنێ دروشم بهلكو بانگهوازا وى بۆ ملیۆنێ و پتر بلند بوو و ب كریار ژى ئهڤێ یهكێ د كارێ خۆ دا د سهلمینیت كو دێ پارتى د رۆژا ههلبژارتنان دا گههینیته وێ ژمارا وێ بڤێت.
نێچیرڤان بارزانى نه بتنێ بوویه دروشمهك بۆ ڤێ قۆناغێ بهلكو ب گۆتنێن خۆ حهكیماتى چهساندییه و ل گهل خۆ ئاڤاكریه، ئهو كار كریه كو ههردهم ئاڤا بكهت و بهر ب پێش بچیت.
نێچیرڤان بارزانى دڤێت بهر ب ئێك ملیۆن دهنگ بۆ پاشهرۆژا كوردستانێ كو دهنگێ كوردستانێ ب ئیرادهیا گهلى بۆ ئیراقێ دیار بكهت، ملیۆن دهنگ بۆ ئاشتى، ئاڤهدانكرن و كهرامهتێ و ب ههبوونا نێچیرڤان بارزانى كوردستان بهر ب وهستگههێن ئارامییێ دچیت، چونكى ههردهم وهفادار و زانا بوویه و دنیابینییا وى د چاڤێن ههر كوردهكى دا دیار دبیت.
نێچیرڤان بارزانى ههردهم سهركردهكێ مهزن بوویه د ههڤكێشهیێن ئالۆز و دوبهرهكییان دا، ئارامى ههلبژارتییه و كوردستان دوور كریه ژ فهوزایێ، سهركردهیهكێ ب كریار بوویه و كێم دروشم، ژ سهربۆرا خۆ باوهرى پهیداكرییه و بوویه سیمبولهك بۆ گهلهكى.
ئهو سهركردهیه یێ ههردهم بهحس ل هندێ دكهت هێزا كوردان د ئێك گرتنا كوردان دایه و پارتى خودان ئهو سەنگ و باوهریهیه و پاشهرۆژا پارتى ب باوهر بۆ ڤان ههلبژارتنان خسته د دهستێن گهلى دا و گهل دێ ل وێ رۆژێ گۆتنێن ئێك ملیۆن دهنگان سهلمینیت.
