گاڤ

سەرۆکێ مەهەپێ ئەڤرۆ راگەهاند: ئازادکرنا سەلاحەددین دەمیرتاشی خێر و بەرەکەتە بۆ تورکیا و ئەو بەرهەڤن ل ئیمرالیێ ل گەلا ئۆجالانی کۆمببنن.

دەولەت باخچەلێ، سەرۆکێ پارتییا نەتەوە پەرست یا تورکیا مەهەپێ ئەڤرۆ رۆژا سێشەمبی 4-11-2025ێ د کۆمبوونا ئاسایی یا پارتییا خۆ دا راگەهاند؛ نها رەوشا دەڤەرێ یا مەترسیدارە ژبەرکو د چەندین شەڕێن مەزن دایە و ل هەمبەری گۆهرینایە.

گۆت ژی؛ عەبدوللا ئۆجالان سۆزێن خۆ ب جهئیناینە و مەهەپە بەرهەڤە بچیت ل گەل کۆمببیت و دڤێت پەرلەمانتار بچنە ئیمرالییێ و گۆهێ خۆ بدەنە ئۆجالانی و ب ئاخفتنا وی بکەن.

دەربارەی پرسا ئازادکرنا سەلاحەددین دەمیرتاش،هەڤسەرۆکێ بەرێ یێ هەدەپێ، راگەهاند: ئازادکرنا دەمیرتاشی خێر و بەرەکەتە بۆ تورکیا.

ب گۆتنا باخچەلی، مەهەپێ رۆل د قۆیناغا گرنگ یا نها یا تورکیا دا هەبوویە و پێشکەفتنێن گرنگ ژی د پرسا ئاشتی و پاراستنا تورکیادا ب دەستڤەئیناینە.