خێری بۆزانی

دەمێ توو چاڤێن خو بلند دکەی دا رەنگێ زەر و وی درووشمێ ببینی کو ژمارا 275 د ناڤا خودا هەمبێزدكەت، هەست پێ دکەی کو سۆزەکا کەڤنار جارەکا دی بۆ تە دزڤرت، ئەو سۆزا دیرۆکێ ب حبرێ قوربانیدانێ و باوەریێ نڤیسی.

دروشمێ لیستا پارتی دیموکراتی کوردستان – پشکداری، هه‌ڤسه‌نگى، لێکگەهشتن – نە بتنێ چەند پەیڤەکن ل سەر لافیتان دهێنە بلندکرن، بەلکو کورتیا رێڤینگەکا درێژا خەباتا مرۆڤێ کوردستانێ یە ل دژی شمولییەتێ و ستەمێ، گەشتەکا کو حبر و خوین تێدا تێکەل بووین، لێ هزره‌کا نەمـر ژێ چێبوو.

پشکداری ل ڤێدەر،  نە گرێبەستەکا سیاسییە، بەلکو پرەکا باوەریێیە د ناڤبەرا دلاندا، دەست د سەر را درێژ دبن دا وەلاتەکی ئاڤا بکەن کو جهێ هەموویان تێدا ببت. بەلێ هه‌ڤسه‌نگى، ئەو تەرازوویا هەڤسەنگە د ناڤبەرا خەون و راستیێدا، د ناڤبەرا ماف و ئەرکاندا، وەکی گازیه‌کە دبێژت: ئەم نە دژی کەسێینە، بەلکو دگەل هەموویانین، ئەم دۆزێن خو ب دادپەروەری و هشیاری و بەرپرسیاریەتی ڤە هەلدگرین.

و لێکگەهشتن ژی، هەناسا ئاشتیێ یە پشتی شەڤەکا درێژا ناکۆکیان، نە لاوازیە بەلکو دانایی یە، تێگەهشتنە کو وەلات ب ناکۆکیێ ناهێتە ئاڤاکرن، بەلکو ب نێزیکبوونێ، و کو رۆناهی ژ خالەکا هەڤدو گەهشتنێ د تاریاتیا پارچەبوونێدا چێدبت.

پارتی دیموکراتی کوردستان دچتە د ناڤا هەلبژارتنێن بهێتدا و ڤی درووشمی هەلدگرت نە وەک ئامرازەکێ پروپاگەندێ، بەلکو وەک نامەیەکا مرۆڤایەتی و سیاسییا کوور: ئەم ل دووڤ دەستهەلاتەکێ ناچین کو یێ دی دووربێخت، بەلکو پشکدارییەکا وەلاتێ پێدگەهینت.

ژمارا 275 نە بتنێ ژمارەکا هەلبژارتنانە، بەلکو هێمایێ خەونەکا نوو بوویە، بۆ خەونەکا کوردستانی کو ئیراقێ وەک پشکدار دبینت نە نەیار و د هه‌ڤسه‌نگییێ دا رێکەکا دادپەروەریێ و د لێکگەهشتنێدا سۆزا ب کەرامەتا ژیانێ بۆ هەموویان، ب سادەیی و راستگۆیی، ئەڤە گازﯾیە ب زمانێ دلییه‌ بەری سیاسەتێ.