گاڤ

بریارە ئەڤرۆ پاکستان و ئەفغانستان ژ بەر ناکۆکیێن د ناڤبەرا وان دا،ل تورکیا دەست ب دانوستاندانان بکەن.

ئاژانسا فرانس پرێس راگەهاند؛ بڕیارە ئەڤرۆ رۆژا پێنجشەمبی، 6-11-2025ێ دانوستاندنێن پاکستان و ئەفغانستانێ ل تورکیا بهێنەکرن، ئارمانج ژێ بۆ رێگریکرنێ یە ژ دوبارە سەرهلدانا ناکۆکیان، کو د مەها بۆری دا ببوونە ئەگەرێ کوشتنا ب دەهان کەس هاتبوونە کوشتن.

دهێتە چاڤەرێکرن تورکیا و  قەتەر ناڤبەیندکارییێ د ناڤبەرا پاکستان و ئەفغانستانێ  دا بکەن و د کۆمبوونێ دا میکانیزمەکا چاڤدێرییێ بۆ پشتراستبوونێ ژ پاراستنا ئاشتییێ و بجهئینانا سزایان لسەر وێ ئالییێ کو بنپێکارییێ دکەت دێ دهێتە بکارئینان.

پاکستان و ئەفغانستان د 19ـی چریا ئێکێ دا، لسەر ئاگربەستێ ل قەتەرێ رێککەفتن، بەلێ حەفتییا بۆری ل ئستەنبولێ ب سەدەمێ هندەک وردەکارییێن ئاگربەستێ رێکنەکەفتنە.

ل گۆرەی ئامارێن نەتەوەیێن ئێکگرتی د ئێک حەفتییا شەڕی دا ل رەخێ سنورێ ئەفغانستانێ 50 وەلاتییێن سڤیل هاتینە کوشتن و 447 کەسێن دی ژی بریندار بووینە، هەروەسا ل کابولێ ژی ب کێمی پێنج کەس هاتینە کوشتن.

سوپایێ پاکستانێ ژی راگەهاندبوو، د هێڕشێن ئەفغانستانێ دا، 23 سەربازێن وان هاتینە کوشتن 29 ژی بریندار بووینە.