پۆتین: ههر وهلاتهك تێستا ئهتۆمى بكهت رۆسیا ژى دێ كهت
بەلاڤ بکە
گاڤ
سهرۆكێ رۆسیا فهرمان ب چهندین وهزارهتان و بهرپرسێن پهیوهندیدار یێن وهلاتى دا ههژمارهكا پلانان بۆ ئاماده بكهن دا دهست ب تێستێن ئهتۆمى بكهن.
حهفتییا بۆرى دۆنالد ترهمپ، سهرۆكێ ئهمریكا ههمان گهفا تێستا ئهتۆمى كر و دوهى ژى مووشهكهكا بالستى تێست كربوو.
فلادیمیر پۆتین، سهرۆكێ رۆسیا راگههاند، وهلاتێ وى پابهنده ب وان رێككهفتنێن گشتگیر بۆ قهدهغهكرنا چهكێ ئهتۆمى، بهلێ ئهگهر ئهمریكا یان ههر وهلاتهكێ دى یێ خودان چهكێ ئهتۆمى تێست بكهت، رۆسیا ژى دێ تێست كهت.
سهرۆكێ رۆسیا داخواز ژ وهزارهتێن دهرڤه و بهرگریێ، هێزێن تایبهت، ئاژانسێن سڤیل یێن پهیوهندیدار كر ههمى كارهكى بكهن بۆ كۆمكرنا زانیارییان ل سهر وێ پرسێ و ل جڤاتا ئاسااییشێ دانوستاندنێ ل سهر بكهن.
رێككهفتنا قهدهغهكرنا تێستكرنا چهكێ ئهتۆمى ل سالا 1963یێ ژ ئالییێ ئهمریكا، بریتانیا و ئێكهتییا سۆڤیهت ڤه هاتییه ئیمزاكرن زێدهبارى رێككهفتنێ ئهمریكا ل سالا 1992یێ و فهرهنسا و چین ل سالا 1996 و بریتانیا ل سالا 1991ێ و ئێكهتییا سۆڤییهت ل سالا 1990ێ دویماهى تێستێن ئهتۆمى كرینه.
