گاڤ

ئەڤرۆ دوبارە و بۆ ئێکەم جار گەشتێن ئاسمانی ژ فرۆکەخانەیا نێڤدەولەتی یا مووسلێ دەستپێکرن،پشتی دوبارە هاتییە نویژەنکرن.

بریاربوو ل 10ی خزیرانا سالا 2025ێ فرۆکەخانەیا نێڤدەولەتی یا مووسلێ ب گەشتەکا محەمەد شیاع سوودانی بهێتە ڤەکرن، لێ ژ بەر تەمامنەبوونا کارێن فرۆکەخانەیێ بۆ دەمەکێ نەدیار هاتبوو پاشخستن.

عەبدولقادر دەخیل،پارێزگارێ نەینەوا ئەڤ رویدانە ب دیرۆکی بناڤکر و راگەهاند؛ گەشت یا ناڤخۆیی بوو و ژ فرۆکەخانەیا مووسلێ بۆ فرۆکەخانەیا نێڤدەولەتی یا بەغدابوو.

گۆت ژی؛ کار ل گەل کۆمپانییێن جیهانی یێن تایبەتمەند بەردەوامە ژبۆ کۆ ل دەمەکێ نێزک دەست ب گەشتێن ژدەرڤە ژی بهێنەکرن.

پرۆژەیێ نویژەنکرنا فرۆکەخانەیا نێڤدەولەتی یا مووسلێ ل سالا 2022ێ ژ ئالییێ مستەفا کازمی سەرۆکوەزیرێ وی دەمی یێ ئیراقێ هاتبوو ئیمزاکر ل رێککەفتی 9-9-2025ێ تێستکرن ل فرۆکەخانەیێ دەستپێکربوو و بۆ دەما پێنج رۆژان یا بەردەوام بوو.