گاڤ

جڤاتا بلند یا دادوەری یا ئیراقێ ئەڤرۆ راگەهاند؛ زێدەتری 37 هزار کەسان ب لێبوورینا گشتی هاتینە ئازادکرن.

جڤاتا بلند یا دادوەری یا ئیراقێ ئەڤرۆ رۆژا پێنجشەمبی، 6-11-2025ێ ئامارێن نوی دەربارەی بجهئینانا یاسایا لێبۆرینا گشتی بەلاڤکرن ل گەل کۆژمێ وان پارێن کو  ل گۆرەی یاسایێ هاتینە وەرگرتن.

جڤاتا بلند یا دادوەری ئاشکرا کر: کۆژمێ گشتی یێ وان کەسێن ل زیندان و ناڤەندێن دەستەسەرکرنێ کو ل گۆرەی یاسایا لێبۆرینا گشتی هاتینە ئازادکرن، گەهشتیە 37 هزار و 253 کەسان.

ئاماژە ژی کریە: ژمارا وان کەسێن فەرمانا گرتنێ بۆ وان دەرچوویی، یان ب کەفالەت هاتینە ئازادکرن و یێن ب غیاب هاتینە سزادان، گەهشتییە 150 هزار و 471 کەسان.

هەروەسا هاتییە، کۆژمێ گشتی یێ وان پارێن هاتینە وەرگرتن، گەهشتییە 40 ملیار و 901 ملیۆن و 459 هزار و 869 دیناران و ئەو پارێن ب دۆلاری هاتینە وەرگرتن، 34 ملیۆن و 347 هزار و 414 دۆلار و 44 سەنتن.

د مەها کانوینا دویێ یا 2025ێ دا، هەموارا دویێ یا یاسایا لێبۆرنا گشتی ژمارە 27 یا سالا 2016ێ، دەنگ ل سەر هاتەدان و پەسەندکرن.