گاڤ

بریارە ئەحمەد شەرع، سەرۆکێ قویناغا ڤەگوهاستنێ یا سووریێ ل رۆژا دوشەمبییێ سەرەدانا ئەمریکا بکەت و ل واشنتۆن ل گەل دۆنالد ترەمپ، سەرۆکێ ئەمریکا کۆمببیت.

شڤێدی درەنگ هەر 15 ئەندامێن جڤاتا ئاسایشا نێڤدەولەتی یا سەر ب نەتەوەیێن ئێکگرتی ڤە ل دۆر سزایێن ل سەر سەرکردەیێن سووریێ د ناڤا وان دا ئەحمەد شەرعی کۆمبوون و هەمی سزایێن ل سەر وی راکرن.

ژ کۆما 15 ئەندامێن جڤاتێ 14 ئەندامان دەنگ ب راکرنا سزایان دا و بتنی چینێ دەنگ نەدا.

دۆنالد ترەمپ، سەرۆکێ ئەمریکا پشتی بریارا جڤاتا ئاسایشا نێڤدەولەتی د راگەهاندنەکێ دا گۆت: شەرع زەلامەکێ بهێزە و ل نێزیک دێ ل گەل کۆمبیت.

گرۆپێ دەستەیا تەحریر ئەلشام کو پێشتر سەر ب قاعیدە ڤە بوو، ب گرۆپەکێ تیرۆرستی دهاتە نیاسین، پشتی سەرکەفتنا وان ب سەر رژێما بەشار ئەسەدی و گرتنا دەستهەلاتا سووریێ، ئەمریکا ل هەیڤا حەفت ئەو گرۆپە ژ لیستا تیرۆرێ دەرئێخست.