گاڤ

سەرۆککۆمارێ ئیرانێ هوشدارییێ ژ قەیرانا کێمئاڤی و نەهاتنا بارانان ددەت و دبێژیت، ئەگەر باران نەبارن، ئەو نەچارن تەهرانێ چوول بکەن.

مەسعوود پزیشکییان د گۆتارەکێ دا گۆت: ئەگەر رەوش ب ڤی رەنگی بیت و تا هەیڤا بهێت چ باران نەبارن، دێ بەردانا ئاڤێ بۆ خەلکێ تەهرانێ گەلەک کێم بیت، ئەگەر پشتی وی دەمی ژی چ باران نەهاتن، ئەو دێ نەچاربن تەهانێ چوول کەن.

ژ ئالییێ خۆ ڤە ژی موحسین ئەردەکانی، رێڤەبەرێ جێبەجێکار یێ کۆمپانییا ئاڤێ ل پارێزگەها تەهرانێ گۆت: یەدەگێ ئاڤێ ل تەهرانێ د رەوشەکا خراب دایە، ئاڤا بەنداڤێن وێ پارێزگەهێ د دەمێ 60 سالێن بۆری دا نەگەهشتییە ڤی ئاستێ کێم.

هەروەسا داخواز ژ خەلکی کر د هاریکاربن و ئاڤێ گەلەک بکارنەئینن داکو بۆ دو هەیڤێن دی بشێن خۆ ل بەر قەیرانا کێمبوونا ئاڤێ بگرن.