ناڤهڕۆكا گۆتارا سهرۆك مهسعوود بارزانى د بانگهشهیا ههلبژارتنێن پهڕلهمانێ ئیراقێ دا
بەلاڤ بکە
گاڤ
ئهڤرۆ پارتى دیمۆكراتى كوردستان دوماهى ئاههنگا بانگهشهیا ههلبژارتنان كر و راگههاند، پارتى دێ ب پڕۆژهیان بهرسڤا ههر كهس و ئالییهكى دهت و پهڕلهمانتار ژى راسپاردن كو خزمهتا ههمى خهلكێ ئیراقێ بكهن و بهرهڤانییێ ژ مافێێن وان بكهن.
سهرۆك مهسعوود بارزانى ئهڤرۆ پێنجشهمبێ ب ئامادهبوونا ههر دو جێگرێن پارتى و مهكتهبا سیاسى یا پارتى ل ههولێرێ پشكدارى دئاههنگا بانگهشهیا ههلبژارتنێن پهڕلهمانێ ئیراقێ دا كر و گۆت: خۆشحالییا من ناهێته وهسفكرن كو ئهڤرۆ د خزمهتا ههوه دامه هین ههمى ب خێرهاتن سهرسهران و سهرچاڤان و ئامادهبوونا ههوه بڤێ حهماسهتێ ب ڤان مهعنهویاتان ههردهم ئۆمێد بهخشه بۆ مه هین ئاگههدارن ههلبژارتن راستین رێكه گهل دیتنا خۆ دیاربكهت و ب نزبهت مه مهسهلهیهكا مهبدهئى یه و ههلبژارتنا ڤێ جارێ ئهم دزانین گوهڕین ب سهر كورسییان دا ناهێت چونكى پێش وهخت كورسى دیاركرینه بهلێ پشكدار بووین ژبهر دو ئهگهرێن سهرهكى، ئێك ژ وان گهلهك دۆستان و ههڤالان و ژ دهرڤه و ناڤا ئهرهبان ههمییان داخوازكر كو پشكدار بین و پهیاما گهلهك ئهرێنى گههشته مه ژ دۆست و ههڤخهباتێن مه رهنگه ئهڤ ههلبژارتنه كورسییان ناهێته گوهۆڕین بهلێ عهمهلییا سیاسى ڤهگهڕینینه سهر رێكا راست یا خۆ و ئهڤه ژى دهلیڤهیهكا باشه و ژبهر هندێ باش بوو و ل گهل وان دهستان دئێخینه ناڤ دهست، ههروهسا ئاشكراكر، ئهگهرا دووێ دا سهنگا پارتى نیشا ههمى ئالییهكى بدهین و ژبهر هندێ داخوازێ ژ ههوه دكهم د وێ قهناعتێ دامه ههوه پێدڤى ب تهوسییێ نینه بهلێ دهنگى بدهنه لیستا 275 دا بهرسڤا وان بدهین یێن د خهیالان دا دژین.
خویاكر ژى پارتى بهرچاڤێن وێ رۆهنن و پارتى دزانیت چ دڤێت و چ دكهت و ههروهك من گۆتى ئهگهر ئهڤ ههلبژارنه ئهوه دهلیڤهیه رهخساندن ل گهل دۆستێن خۆ بشێن چارهیا رهوشێ بكهین و عهمهلییا سیاسى ڤهگهڕینینه رێكا راست یا خۆ ئهڤه دێ بهرنامهیێ پارتى بیت و ئێك یاسایا ههلبژارتنان بهێته گوهۆڕین و ببیته ئێك بازنهیى یان نیڤ ڤهكرى و ب قانوونا نوكه ههیى نهعهدالهت تێدایه قانوونهكه مافێن ههمییان بهرزه دكهت، هندهك ئالییان ب كهیفا خۆ دارشتییه و كارهكى جدى دێ كهین ئهڤ قانوونه بهێته گوهۆڕین و مهعقوول نینه كورسییهك ل ههولێرێ ب 40 هزار دهنگان بیت و ل خواروویا ئیراقێ ب 2 هزار دهنگان بیت زێدهبارى رێژهیا پشكداریێ ل ههولێرێ دو جاران پتر بیت ژ جهێ دى.
سهرۆك مهسعوود بارزانى د پهیاما خۆ دا ئاشكراكر، دێ بزاڤان كهین بۆ دامهزراندنا ئهنجوومهنى فیدرالى كو ئهڤه زامنهكه بۆ مافێن ههرێمێ و پارێزگههێن دى یێن ئیراقێ و یاسایهك ل پێ دهستوورى بیت بۆ زهریبه و رسووماتان دهربكهڤیت و ماددهیا 140 نه دهێته ژبیركرن نه دهستان ژێ بهردهین و دێ هێته بجهئینان و پهیامهك ژى بۆ خهلكێ وان ناوچهیان هنارت و دیاركر، دبێژنه خوشك و برایێن وان ناوچهیان هوین ل ناڤا دلێ مهدانه و قهرهبوویا زیانڤێكهفتیێن ئهنفالكریان و ئهركێ ئیراقێ یه دڤێت بجهـ بینیت و یا ژ ههموویان گرنگتر ئهوه ڤهگهڕاندنا ئیراقێ یه بۆ سهر سێ بنهمایان، ههڤسهنگى، سازان ههڤپشكى و پێشتر رێككهفتن ل سهر ڤان خالان هاتییهكرن و ئهگهر ڤهگهڕێن بۆ ڤان سێ بنهمایان چ كێشهیان نامینیت نه ل گهل بهغدا و نه ل گهل پارێزگههێن دى یێن ئیراقێ.
خویاكر ژى، ڤهگهڕیان بۆ دهستوورى و ل وى دهمى ئهڤ دهستووره بێ كێم و كورى نینه بهلێ ئهگهر ئهو كێشهیێن تێدا هاتبانه چارهكرن دا رهوش باشتربیت و دوپاتكر، ئهگهر ههر سێ بنهما ڤهگهڕیان دێ ژ زولما چهوسێنهران رزگار بین و ههمى خهلكێ ئیراقێ دێ ژیانێ خۆش بۆرینیت و كهس نهشێت ل پێ میزاجێ خۆ یارییان ب مووچهیى و بودجهیى بكهت و ئهڤه ژبلى زولمه ئیهانهكا مهزن بوو بۆ خوینا شههیدان و نابیت ئهڤه دوباره بیت و خویاكر، سهربۆران دهرخستییه حوكمێ ئیراقێ بتنێ ب نهتهوه یان ب ئێك پێكهاته ناهێته برێڤهبرن و دڤێت ههڤپشك بین ئهگهر وان دڤێن ئیراقێ ئارم بكهین ئهو ههر سێ بنهما سهرهكى نه.
ههروهسا ئاشكراكر، هندهك جاران تههدیدا گوهلێ دبین یان وهتهنیاتان بخهلكێ دى د فرۆشن وهك ل كۆنفرانسێ لهندهن ژ رۆخاندنا رژێما دكتاتۆرى و نڤیسینا دهستوورى و ئهم ل گهل ئیراقێ ینه بهلێ شریك بین و ههڤپشك و ههڤسهنگ بین و نه مهجمووعهیهكا مافیایان حوكمى لێ بكهن ل گهل ئیراقهكا فرهنهتهوه، فرهمهزههبى، فره ئاین بیت، مه باوهرى ب پێكڤه ژیانێ ههیه ئهو فهرهنگا بۆ مه مایى ئهم پێ سهربلندین ل ههمى جههكى دهمێ بهحسێ فهرههنگا پێكڤهژیانێ دكهین شانازییێ پێ دكهین و مه چ كێشه ل گهل نهتهوهیان نینن ئهم و ئهرهب براینه مه كێشه ل گهل حوكمڕانییێ ههیه و دڤێت دهستوور حهكهم بیت د ناڤبهرا مه و ههر كهسهكى دى ل ئیراقێ و ئهم ههمى نهتهوه و ئاین و مهزههبان وان پشتراست دكهین دێ وان و مافێن وان پارێزین و دێ بهرهڤانییێ ژ ههركهسهكى دى ل جهێن دى ل ئیراقێ كهین.
سهرۆك بارزانى ئامۆژگارییهك دا بهربژاران و دیاركر، ئامۆژگارییا مه بۆ بهربژاران بتنێ خۆ ب نوینهرێن ههرێمێ نزانن بهلكو خۆ ب نوینهرێن ههمى پارێزگههێن ئیراقێ بزانن بهرهڤانییێ ژ ههر كهسهكى دى بكهن ههر وهك بهرهڤانیێ ژ خهلكێ دهۆك و ههولێر و سلمانیێ دكهن.
گۆتژى، ئۆمێدهوارین ئیراق تێكههلى وان ههڤڕكییان نهبیت و خهلكێ ئیراقێ پاراستى بیت و ئیراق نهبیته گۆرهپانا ههڤڕكییان بۆ وهلاتێن دى و یا پێدڤى ژى مه درێغى نهكرییه و هێشتا گهفا جدى ل سهر ههرێم و ئیراقێ ههیه وهك تیرۆر، هزڕا توندڕێ و ل گهلهك جهان خۆ رێكخستییه و بهرنامه ههیه بۆ كارێن تیرۆرستى ئهوێن ل دلێ خۆ ددهن بێژن تیرۆر تهمام بوویه نه تهمام نهبوویه و كێشهیا ماددهیێن هۆشبهر مهترسیدارترین كێشهیه و دڤێن خهلكێ ههرێم و ئیراقێ ب وى ماددهیى ژناڤببهن.
ههر د گۆتارا خۆ دا دیاركر، ههروهك هوین دزانن ئهڤه سالهك ب سهر ههلبژارتنان دا بۆرى پشتى ئهنجدامان مه داخوواز ژ ههمى ئالییاان كر حكومهتهكا بنگههین پێكبینن پترییا وان نههاتن و ئۆپزسیۆن ههلبژارت مه رێز بۆ وان ههیه و پشتى ناڤبهرا ئێكهتى و پارتى مه ل سهر دو میحوهرێن سهرهكى كار هاتهكرن ئیدارهكرنا حكومهتتێ و پۆستان و من تهویسا ههڤالان كر مروونهتێ نیشان بدهن بهرامبهر ئێكهتییێ ئهو زانیاریێن هاتین ئێكهتییێ دڤیا وهختى بكوژیت ههتا ههلبژارتن تهمام بن شنى بڕیارێ بدهن ئهوێن بهرى ههلبژارتنان پشتى ههلبژارتنان نامینیت.
ل دۆر پرۆسهیا ئاشتییێ ژى دیاركر، ئهو خۆشحالن ب پرۆسهیا ئاشتییێ ل پارچهیێن دى یێن كورستانێ و ئهڤه ئۆمێد بهخشه و ئهم ب ههمى شیانان پشتهڤانێن وێ پرۆسێینه.
ل دوماهییا پهیاما خۆ ژى دیاركر، پاشهرۆژ، ئۆمێده، ئیرادهیه، بهرچاڤ رۆهنى یه و پلانه و ئهڤهیه پارتى دبینیت و كارى بۆ دكهت و مه هیڤى گهلهكن ئیردهیا مه بهێزه و پارتى و حكومهتا ههرێمێ و د خوازن ههمى پشكدار بین و كاروانێ ئاڤهدانییێ دێ بهردهوام بیت و ب پڕۆژهیان دێ بهرسڤان وان هێته دان.
