گاڤ – تایبەت – دلۆڤان حەسەن

راگەهاندنا فەستیڤالا تەحینا ئامێدییێ بۆ گاڤ دیاردکەت، فەستیڤالا تەحینا ئامێدیێ ل ڤێ پێنج شەمبێ ل دەمژمێر 11:00ی سپێدێ دەستپێکەت و دو رۆژان دێ یا بەردەوام بیت.

کاروان حاجی سەعید بەرپرسێ پشکا بۆ گاڤ گۆت: سێیەم فەستیڤالا تەحینا ئامێدیێ و بەرهەمێن خۆمالی دا یا ل ڤێ پێنجشەمبێ ل دەمژمێر 11:00ى سپێدێ دەستپێدکەت و بۆ دەما دو رۆژان 4 و 5ى ڤێ مەهێ دێ بەردەوام بیت، فەستیڤال ڤێجارێ دێ ل گوندێ بێبادێ بیت.

هەروەسا ئاشکراکر، هەر ئێک ژ هونەرمەندان حەسەن شەریف، رۆمی هەرکی و شرین حەقی ژى دێ د ناڤا فەستیڤالێ دا پشکدار بن.

دازانین ژى ل رۆژا ئێکێ رۆمی هەرکی، ل رۆژا دویێ ژی حەسەن شەریف دێ ب سترانێن خۆ پشکدار بن و کۆمەکا برگەیێن فولکلۆری ژی دێ هەبن.