گاڤ-تایبەت
گەنجەکێ دهۆکێ ب تۆمەتا نە ڤەگەراندنا پارێن وەلاتیان کو پتری 2 ملیۆن دۆلارانە هاتیە گرتن و نوکە ل چاکسازیا زرکا ڤەیە.
ژێدەرەکێ ئاگەهدار بۆ گاڤ ئاشکراکر؛ وەلاتیەکێ دهۆکێ ب هێجەتا بازرگانیکرنا ئەرد و خانیان پتری 120 دەفەرتێن دۆلاری یێن پەنابەرەکێ رۆژئاڤایێ کوردستانێ وەرگرتینە و ڤێ دوماهیێ نەڤەگەراندینە.
کەسەکێ نزیکی وی پەنابەری دیارکریە؛ تۆمەتباری ل دادگەهێ ئیفادە داینە و لسەر خۆ سەلماندیە و(کۆمپیالە) چێکریە کو 120دەفتەرێن دۆلارێن وی کەسی ل دەف وی نە و رەت نەکریە.
ژێدەرێ گاڤ خۆیا دکەت کو ئەو پارە نە تنێ یێ ئێک پەنابەرە، بەلکو یێ دەهان کەسوکارێن وینە ب مەرەما فایدە وەرگرتنێ، کۆژمەیێن جودا جودا ل دەمێن جودا داینەف وی پەنابەری و ویژی داینەف وی کەسێ خەلکێ سەنتەرێ دهۆکێ کو نوکە ب بریارا دادوەری ل چاکسازیا زرکا هاتیە راگرتن.
ژێدەرێن گاڤ ئاماژێ ب وێ یەکێ دکەن کو تۆمەتبار رۆژا 3/11/2022 ئەو تۆمەتبار ب بریارا دادگەهێ هاتیە گرتن و رەوانەکرن بۆ جهێ راگرتیان ل چاکسازیا زرکا یا مەزنان ل دهۆکێ و نوکەژی د چاکسازیێ ڤەیە.
ل گۆرەی زانیاریێن تایبەت، پارێن کەسەکێ خەلکێ دهۆکێ 40 دەفتەر دۆلارن، کەسەکێ دی 20 دەفتەر، و یێ ئێکێ دی 15 دەفتەرێن دۆلاری و کۆژمێ مەزن یێ نەهاتیە ڤەگەراندن، یێ پەنابەرێ رۆژئاڤایێ کوردستانێ یە کو 120 دەفتەرێن دۆلاری نە و رەنگە پێکهاتن ناڤبەرا تۆمەتباری و وی پەنابەرێ رۆژئاڤا پەیدا ببیت، ژبەرکو ب فەرمی سکالا تۆمارنەکریە و پارێزەرێن  وان ژی نەخواستن چ زانیاریان سەر بابەتی بدەن.
ژێدەر پتر دیار دکەن؛ ئەگەرێ گرتنا وی تۆمەتباری هژمارەیەکا کەسێن پارێ وان دیارنەماین و دەمەکە نەڤەگەراندین،  سکالا لسەر وی تۆمەتباری تۆمارکرینە.