گاڤ

سەرۆکێ فەنزوێلا رازیبوو ژ وی وەلاتی دەرکەڤیت ل هەمبەری وێ یەکێ لێخۆشبوونا یاسایی بۆ وی و خێزانا وی بهێتە دەرکرن.

ئاژانسا رویتەرز راگەهاند، نیکۆلاس مادۆرۆ، سەرۆکێ فەنزوێلا بەرهەڤییا خۆ بۆ بجههێلانا وەلاتێ خۆ دیارکریە، ب مەرجەکی ئەو و ئەندامین خێزانا وی هەمی لێخۆشبوونا تەمام یا یاسایی وەربگرن، کو پێکهاتییە ژ راکرنا هەمی سزایێن ئەمریکا و ب دویماهیئینانا وێ دوسیەیا بلند یا ل بەرامبەر دادگەهیێن نێڤدەولەتی رووبرووی دبیت.

 رۆیتەرزێ گۆتییە، ل 21ی هەیڤا بۆری ب رێکا تێلەفۆنێ ترەمپی پرانییا داخوازیێن مادۆرۆی رەتکرینە لێ ئاگەهدار کربوو وی حەفتییەک ب تنێ هەیە ژ فەنزوێلا دەرکەڤیت و جهەکی بۆ خۆ خێزانا خۆ هەلبژێریت.

 ل گۆرەی ژێدەری، رۆژا ئەینییا بۆری مۆلەتا ترەمپی ب دویماهی هاتبوو و ل رۆژا دویڤ دا داخستنا ئاسمانێ فەنزوێلا راگەهاند.

هەروەسا ئاماژە کریە، مادۆرۆی داخواز ژ ترەمپی کریە وان سزایان ژی راکەت یێن ب سەر زێدەتری 100 بەرپرسێن حکومەتا فەنزوێلا سەپاندین، کوهندەک ژ وان تۆمەتبارن ب بنپێکرنا مافێ مرۆڤی، بازرگانیکرنێ ب مادەیێن هشبەر و گەندەلییێ.