ئەمریکا داخوازاکرنا مافێ پەنابەری و رەگەزنامێ بۆ 19 وەلاتان راگرت
بەلاڤ بکە
گاڤ
ئیدارەیا ئەمریکا بریار دا هەمی داخوازیێن مافێ پەنابەرییێ و رەگەزنامێ بۆ نۆزدە وەلاتێن جیهانێ رابگریت، ئیران، سۆمال و ئەفغانستان ژی دناڤدانە.
حکومەتا ئەمریکا د یاداشتەکا فەرمی دا ئاماژە ب هێڕشەکا حەفتییا بۆری ل واشنتۆنێ کریە، د هێرشێ دا پەنابەرەکێ ئەفغانی تەقە ل دو زێراڤانێن نشتیمانی یێن ئەمریکی کربوو ئێک ژ وان کوشتبوو یێ دی ژی ب گرانی بریندارببوو.
د یاداشتێ دا هاتییە: ئەو بریارە داخوازکەرێن گرین کارت ڤەدگریت و رەنگە پرۆسەیا وان داخوازییان ب رەنگەکێ دەمکی بهێنە پاشخستن، هەتا کو پشتراستی ل سەر وێ یەکێ دهێتە کرن کو ئەو داخوازکەرە نابنە گەف بۆ سەر ئاسایشا ئەمریکا.
پشتی هێڕشا واشنتۆنێ، ترەمپی گەفێن توندکرنا رێکارێن سیستەمێ وەرگرتنا پەنابەران کرن، ب تایبەت پەنابەرێن ئەفغانی و سومالی.
لیستەیا وان وەلاتان(ئێران، ئەفغانستان، لیبیا، سوودان، یەمەن، بروندی، چاد، کۆمارا کۆنگۆ، گینیا ئستوائی، ئەریتریا، هایتی، میانمار، کوبا، لاوس، سیرالیۆن، تۆگۆ، تورکمانستان و ڤەنزوێلا.
ل گۆرەی دەزگەهێ رەگەزنامە و پەنابەرییا ئەمریکا، ئەو بریارە نێزیکی ملیۆنەک و 400 هزار داخوازکەرێن مافێ پەنابەرییێ و رەگەزنامێ ب خۆڤە دگریت.
