گاڤ

کۆڤارەکا ئسترالى نڤیسینا نڤیسەر و لێکۆلەرەکێ بەلاڤکریە و بەحس ل دیتنێن نێچیرڤان بارزانى، سەرۆکێ هەرێما کوردستانێ دکەت و دبێژیت: دیتنا نێچیرڤان بارزانى بۆ سووریێ ئەوە سووریێ دەولەتەکا نەمەرکەزى بیت.

فەنتە ئەحمەد، نۆشدار، نڤیسەر و و لێکۆلەرەکا بلند یا کۆربەندێ ژنێن سەربەخۆ یە و ئەنداما هەردەمى یا Council on Foreign Relations (CFR)ـیە د نڤیسارەکێ دا بۆ کۆڤارا سپێکتەیتەر یا ئوسترالى بەحس ل هندەک دیتنێن سەرۆکێ هەرێما کوردستانێ دکەت و دبێژیت: سەرۆک نێچیرڤان بارزانى داکۆکیکارەکێ سەرسەخت یێ مافێن پێکهاتان و دبینیت کو دڤێت کرستیان، درۆز، ئێزدى، عەلەوى، کورد، ئەرەب و سیکۆلاران نوینەرێن خۆ ل سووریا هەبن.

نڤیسەرێ هندەک دیتنێن دى یێن سەرۆک نێچیرڤان بارزانى بەلاڤکرینە و دیارکریە، نێچیرڤان بارزانى دبینیت ئەحمەد شەرع دوماهى دەلیڤەیە بۆ سووریێ و نەمەرکەزییەتا دەستهەلاتێ بۆ سووریێ گەلەک گرنگە.

هەروەسا دبینیت ژى هێزێن هەسەدێ قورباندى داینە و ب سادەیى چەکى نادانن و جلکێن سەربازى بگوهۆڕن.