گاڤ

کۆمسیۆنا پەرلەمانێ تورکیا ئەڤرۆ دێ دەربارەی سەرەدانا ئیمرالییێ کۆمبیت و بریارە ئەنجامێن سەرەدانێ رابگەهینن.

 بریارە ئەڤرۆ رۆژا پێنجشەمبی 4-12-2025ێ کۆمسیۆنا ئێکرێزییا نشتیمانی، برایەتی و دیمۆکراسی کۆ بۆ چارەسەرییا پرسا کوردی ل پەرلەمانێ تورکیا پێکهاتییە، ب سەرۆکاتییا نوعمان کورتولموش، سەرۆکێ پەرلەمانی تورکیا کۆمببیت.

 دهێتە چاڤەرێکرن د کۆمبوونێ دا ئەنجامێن سەرەدانا شاندا کۆمسیۆنێ بۆ ئیمرالییێ رابگەهینن یا کو ل رۆژا 24ی هەیڤا بۆری ئەنجام دایی و ل گەل عەبدوللا ئۆجالانی کۆمبووی.

سەرۆکێ پەرلەمانێ تورکیا راگەهاند؛ کۆمبوونێن ئیمرالییێ ب ڤەشارتی نامینن و ئەنجامێن وێ دێ هێنە ئاشکراکرن.

 شاندا سەرەدانا ئیمرالیییێ کری ئەڤ کەسە بوون، حسێن یایمان، هاریکارێ سەرۆکێ ئاک پارتی، فەتی یلدز، هاریکارێ سەرۆکی مەهەپێ و گولستان کلچ، بریکارا سەرۆکێ فراکسیۆنا دەم پارتی ل پەرلەمانێ تورکیا.