گاڤ

محەمەد شیاع سوودانی راگەهاند، لێپرسینێ ل گەل وان کەسان بکەن یێن ناڤێن حزبوللا و حووسیان کرینە د لیستا تیرۆرێ دا .

د هەژمارا خۆ یا ژمارە 4848 رۆژنامەیا وەقائیع یا ئیراقێ کو ژ ئالییێ وەزارەتا داد یا ئیراقێ بەلاڤ دبیت تێدا ب پشتەڤانییا بڕیارێن لژنەیا ژێبرنا سامانێ تیرۆرستان ل نڤیسینگەها ئەمیندارییا گشتى یا جڤاتا وەزیران هەر ئێک ژ بزاڤا ئەنساروللا یا حووسیان ل یەمەنێ و حزبوللا یا لبنانى خستنە د لیستا تیرۆرێ دا.

پشتى ڤێ داخویانیێ هەر بلەز و ب چەند دەمژمێرەکان محەمەد شیاع سوودانی راگەهاند: لێپرسینێ ل گەل وان کەسان بکەن یێن ناڤێن حزبوللا و حووسیان کرینە د لیستا تیرۆرێ دا .

دیارکر ژى ڤەکۆلینەکا بلەز بکەن و ئەو کەسێن ناڤێن حزبوللا و حووسیان کرینە د لیستا تیرۆرێ و لژنەیا سرکرنا سامانی دا ئاشکرا بکەن و لێپرسینێ ل گەل بکەن.

هەروەسا ئاشکراکریە، هەلویستێ مە یێ سیاسی و مرۆڤایەتی ل دژی دەستدرێژییێن ل سەر خەلکێ لوبنان و فلستینێ ناهێتە گوهۆڕین.