گاڤ

ساخلەمییا دهۆکێ ئامادەکاریێن رۆژێن بێهنڤەدانێ راگەهاندن و ئاشکراکر، هەمى سازیێن ساخلەمییێ دێ ب شێوەیێن نۆبە کارێ خۆ کەن.

هەروەسا ئاکنجێن پارێزگەها دهوکێ ئاگەهدار کرن کو رۆژێن بێهنڤەدانا فەرمی هەمان رۆژێن بێهنڤەدانێ نە یێن کو ژ ئالییێ حکومەتا هەرێما کوردستانێ ل رێکەفتی (25/12/2025) دەستپێ دکەت تاکو (3/1/2026)، هەروەسا دیارکر، بۆ ڤێ مەرەمێ نەخۆشخانە و دامودەزگەهێن ساخلەمییێ ژ ئالییێ رێڤەبەرێ گشتی هاتینە رادسپاردنکرن خزمەتا نەخوش و وەلاتییان بکەن و لدیڤ ڤان رێنمایێن کار بکەن.

رێنمایێن ساخلەمییێ

• هەموو پشکێن تەنگاڤییان ل هەموو نەخۆشخانەیان 24 دەمژمێران دێ دڤەکری بن.
• دەواما پشکێن دی یێن نەخۆشخانەیان دێ ب شێوێ نۆبەداری بیت.
• کلینیکێن شیرەتکاری ژبلی رۆژێن 25/12/2025  و 3/1/2026 بێهنڤەدانێن فەرمینە ل هەموو رۆژێن دی دێ دکاری دابن.
• سەنتەرێ دلی و شووشتنا گولچیسکان و بەنکا خوینێ بەردەوام دێ دڤەکری بن ب شێوێ نۆبەداریان.
• تیمێن ڤێراگەهشتنێن دەستپێکێ و هێلا 122 دێ د بەردەوام بن ل سەر ئەرک و کارێن خۆ ب شێوێ 24  دەمژمێریٚ.
• ل دەمێ پێدڤی دا کۆگەهێن دەرمان و پێدڤییێن نۆشدارى و تاقیگەهێ دێ دڤەکری بن ل هەموو باژێر و باژێرکان.
• تیمێن ( زێرەڤانییا ساخلەمییێ و نەخۆشییێن ڤەگر و چاڤدێریا ساخلەمییێ) دێ د بەردەوام بن ل دووڤچوونێن خۆ.
• پابەندبوونا نۆشدارێن بسپۆ،  دێرین، خولاو، پەرستار و کارمەندێن ساخلەمییێ ب  دەواما نۆبەداریان ل رۆژێن بێهنڤەدانێ دا.
• سەنتەرێ ئازادی یێ پەنجەشێرێ ب شێوەیێ نۆبەداری دێ پێشوازایێ ل نەخۆشان کەت.