گاڤ

رێکخستنا ساخلەمیا جیهانى هندەک رێنما ژبەر بێهنڤەدانێن سەرێ سالا زاینى دەرخستن و چوونا خوارنگەهێن پاقژ ئێک ژ رێنمایانە.

رێکخستنا ساخلەمییا جهى ئەڤرۆ پێنجشەمبێ هندەک رێنما بۆ خۆ پاراستنێ د رۆژێن بێهنڤەدانا سەرێ سالێ دا راگەهاندن و دیارکر، گرنگییێ ب شووشتنا کەسکاتى و فێقى بدەن و هەردەم گۆتشێ تەمام کەلاندى بخۆن و گۆشتێ نیڤ کەل نەهێتە خوارن.

رێنمایێن ساخلەمییا جیهانى دیاردکەن، دڤێت گۆشتێ پاقژ ژ خوارنێن دى بهێتە جوداکرن و تەختک و چەقۆکێن جودا بۆ بهێنە بکارئینان.

هەروەسا ئاشکراکریە، هەردەم گرنگییێ ب شووشتنا دەستان بدەن، ژبەرکو ئەگەر د پیس بن دبنە ژێدەرێ هزاران نەخۆشییان و ڤەگواهستنا وان.