گاڤ

هەرێما کوردستانێ د دەما سێ هەیڤان دا پتر ژ 19 ملیۆن و 594 هزار بەرمیلێن پەترۆلێ رادەستی کۆمپانیا سۆمۆ کرینە و داهاتێ وێ ملیارەک و 215 ملیۆن دۆلار بوویە.

ئامانج رەحیم، سکرتێرێ جڤاتا وەزیران، د هەژمارا خۆ یا تایبەت دا ل فەیسبۆکی بەلاڤکرییە، هەرێما کوردستانێ ژ رۆژا 27ێ ئیلۆنا 2025ێ هەتا 31ێ کانوونا دوویێ یا 2025ێ، 19 ملیۆن و 594 هزار و 871 بەرمیل رادەستی کۆمپانیا سۆمۆ کرینە، ب تێکڕایی 218 هزار بەرمیل د رۆژەکێ دا.

ئامانج رەحیم ئاماژە دا وێ چەندێ ژی، نرخێ ناڤنجی یێ ئێک بەرمیلا پەترۆلا برێنت د سێ هەیڤێن دویماهییێ یێن سالا 2025ێ دا 62 دۆلار بوویە. ل سەر ڤی بنەمایی، کۆما گشتی یا داهاتێ وێ پەترۆلا د سێ هەیڤێن دویماهییێ دایە سۆمۆ، ئێک ملیار و 215 ملیۆن دۆلار بوویە و وەک داهات بۆ خزینەیا فیدرالی یا وەزارەتا دارایی یا ئیراقێ هاتیە تۆمارکرن.