گاڤ

د 10 مەهێن سالا بۆری دا، ئیراقێ زێدەتر ژ 115.5 ترلیۆن دینار خەرجکرینە کو 9% ژێ ل سەر هەرێما کوردستانێ هژمارکریە. هەڤبەری ل گەل داهاتی د وی هەیامی دا، ئیراقێ 11.7 ترلیۆن دینار کۆرتئینان هەبوویە. ب هەڤبەری هەمان هەیاما سالا 2024ێ، داهاتێن وێ 21.1 تریلیۆن و خەرجی 7.1 ترلیۆن دینار کێمکرینە.

ئەڤ ئامارە ل دویڤ راپۆرتا خەرجی و داهاتێ ئیراقێ یە، هەتا مەها چریا ئێکێ یا 2025ێ کو وەزارەتا دارایی یا فیدرال بەلاڤکرییە.

خەرجی 115.5 تریلیۆن دینار بووینە

د وی  هەیاما سالا بۆری دا، تێکڕاییا خەرجییێن راستەقینە یێن ئیراقێ 115 ترلیۆن و 535 ملیار و 280 ملیۆن و 185 هزار و 397 دینار بووینە.

خەرجییێن کارپێکرنێ کو پشکەکە ژێ، 96 ترلیۆن و 378 ملیار و 257 ملیۆن و 473 هزار و 862 دینار بووینە، کو دبیتە 83.4% ژ تێکڕاییا خەرجییان.

خەرجییێن وەبەرهێنانێ د وان 10 مەهان دا 19 ترلیۆن و 157 ملیار و 22 ملیۆن و 711 هزار دینار بووینە، کو دبیتە 16.6% ژ تێکڕاییا خەرجییان.

هەڤبەری ب 10 مەهێن ئێکێ یێن سالا 2024، پار خەرجییێن ئیراقێ د هەمان هەیامی دا 7 ترلیۆن و 184 ملیار و 881 ملیۆن و 578 هزار و 787 دینار کێمکرینە، ب ڤێ چەندێ خەرجی د وان 10 مەهان دا ب رێژەیا 5.9% کێمبووینە.

9% ژ خەرجییان ل سەر هەرێما کوردستانێ هاتییە هژمارکرن

خەرجییێن هەرێما کوردستانێ د وی هەیامی دا 10 ترلیۆن و 411 ملیار و 226 ملیۆن و 332 هزار و 719 دینار بوویە، کو دبیتە 9% ژ تێکڕاییا خەرجییان د وان 10 مەهان دا.

ژ وان خەرجییان، 10 ترلیۆن و 374 ملیار و 734 ملیۆن و 757 هزار و 719 دینار بۆ مووچەیی بووینە.

هەڤبەری ب 10 مەهێن ئێکێ یێن سالا 2024ێ، خەرجییێن هژمارکری ل سەر هەرێما کوردستانێ 490 ملیار دینار کێمکرینە، کو وی دەمی خەرجیزێدەتر ژ 10.9 ترلیۆن دیناران بوون.

تێکڕاییا داهاتێ نەپەترۆلی یێ رادەستکری ژ ئالییێ هەرێما کوردستانێ ڤە د 10 مەهێن ئێکێ یێن سالا بۆری دا، 919 ملیار و 346 ملیۆن و 211 هزار و 877 دینار بووینە.

ل دویڤ رێککەفتنا دناڤبەرا هەولێر و بەغدایێ دا بۆ هنارتنا مووچەیێ مووچەخۆرێن هەرێما کوردستانێ، پێدڤییە داهاتێ نەپەترۆلی بهێتە رادەستکرن، کو نوکە ب وی کوژمێ بڕیار ل سەر هاتییە دان، مەهانە 120 ملیار دینارن.

داهاتی تێرا خەرجییان نەکریە

داهاتێ ئیراقێ د 10 مەهێن ئێکێ یێن سالا بۆری دا 103 ترلیۆن و 514 ملیار و 200 ملیۆن و 991 هزار و 817 دینار بووینە؛ هەڤبەری ب خەرجییان د هەمان هەیامی دا 11.7 ترلیۆن دینار کۆرتئینان هەبوویە.

داهاتێ پەترۆلێ 93 تریلیۆن و 197 ملیار و 452 ملیۆن و 551 هزار دینار بوویە کو دبیتە 90% ژ تێکڕاییا داهاتی، داهاتێ نەپەترۆلی 10 ترلیۆن و 316 ملیار و 748 ملیۆن و 440 هزار دینار بوویە کو دبیتە 10% ژ تێکڕاییا داهاتی.

هةڤبەری ب هەمان هەیاما سالا 2024ێ، داهاتێ ئیراقێ 21 ترلیۆن و 144 ملیار و 846 ملیۆن و 838 هزار و 545 دیناران کێمکرییە؛ کێمبوون ب رێژەیا 20.3% بوویە.

پترین کێمبوونا داهاتی د 10 مەهێن 2024ێدا بۆ هەمان هەیاما 2025ێ د داهاتێ پەترۆلێ دا بوویە، کو ژ 110.2 ترلیۆن دیناران کێمبوویە بۆ 93.7 ترلیۆن دیناران، ئانکو 16.5 ترلیۆن دینار کێمبووینە.

داهات و خەرجییێن ئیراقێ د 10 مەهان دا

1/1/2025 هەتا 1/11/2025

خەرجی

115.5 ترلیۆن دینار

کارپێکرن؛

96.3 ترلیۆن دینار

83.4% ژ خەرجییان

وەبەرهێنان

19.1 تریلیۆن دینار

16.6% ژ تێکڕایا مەزاختیان

هەڤبەری 10 مەهێن ئێکێ یێن سالا 2024

خەرجی 7.1 تریلیۆن دینار کێمکرینە

خەرجییێن هەرێما کوردستانێ

10.4 ترلیۆن دینار

داهاتێ رادەستکری؛ 919.3 ملیار دینار

داهات

103.5 ترلیۆن دینار

کۆرتئینان؛ 11.7 ترلیۆن دینار

داهاتێ پەترۆلێ؛ 93.1 ترلیۆن دینار

داهاتێ نەپەترۆلی؛ 10.3 ترلیۆن دینار

هەڤبەری 10 مەهێن 2024

21 ترلیۆن دینار ژ داهاتی کێمبووینە