گاڤ

سەقاناسییا هەرێما کوردستانێ راگەهاند، ژ ئەڤرۆ پێلەکا بەفر و بارانێ دێ باشوورێ کوردستانێ ڤەگریت. سەقاناسەک ژی دبێژیت: دهێتە پێشبینیکرن ئەڤ پێلە سوبەهی پشتی نیڤرۆ ب دویماهی بهێت.

ئەینییێ 9ێ کانوونا دویێ 2026ێ، سەقاناسییا هەرێما کوردستانێ د بەیانەکێ دا راگەهاند: "ئەڤرۆ دێ باران بارین ژ باکور و باکورێ رۆژئاڤایێ هەرێما کوردستانێ دەستپێکەت پاشی د دەمێن پشتی نیڤرۆ دا ل پترییا دەڤەران باران دێ باریت، هندەک جاران ل هندەک دەڤەران بارانێن بهێز دێ بارن. هەروەسان ل دەڤەرێن سنۆری و دەڤەرێن چیایی یێن بلند دێ بەفر باریت".

سەقاناسییا هەرێما کوردستانێ دیارکر، "سوبەهی دێ سار بیت؛ نەرمەباران و بارانێن ناڤنجی دێ ل پترییا دەڤەران بارن. ل دەڤەرێن سنۆری دێ بەفر باریت".

وی سەقاناسی دازانین، "ئەڤ پێلە پشتی نیڤرۆییا سوبەهی دێ ب دویماهی هێت و ڕەوش دێ ئاسایی بیتەڤە، لێ پلەیێن گەرمێ دێ نزم مینن."

ژ ئالییەکێ دیڤە محەممەد کەمال، شارەزایێ سەقاناسییێ ئاشکراکر، "ئەڤ پێلە نوکە ژ زاخۆ دەستپێکرییە، پشتی نیڤرۆ دێ سۆران و سنورێ هەولێرێ ڤەگریت و پاشی دێ گەهیتە کەرکووک، سلێمانی، هەلەبجە و گەرمیان، ب گشتی دێ هەمی دەڤەران ل دەمێن جودا-جودا ڤەگریت".

ل گۆرەیی سەقاناسییا هەرێما کوردستانێ، پلەیێن گەرمێ سوبەهی ل چاڤ ئەڤرۆ دێ دو بۆ پێنج پلەیێن سیلیزی نزم بن و دێ ب ڤی رەنگی بن:

دهۆک؛ 11 پلەیێن سیلیزی

زاخۆ؛ 10 پلەیێن سیلیزی

هەولێر؛ 13 پلەیێن سیلیزی

سلێمانی؛ 10 پلەیێن سیلیزی

هەلەبجە؛ 10 پلەیێن سیلیزی

کەرکووک؛ 14 پلەیێن سیلیزی

پیرمام؛ 9 پلەیێن سیلیزی

سۆران؛ 5 پلەیێن سیلیزی

حاجی ئۆمەران؛ 2 پلەیێن سیلیزی

چەمچەمال؛ 13 پلەیێن سیلیزی

گەرمیان؛ 16 پلەیێن سیلیزی