گاڤ

ئەڤرۆ ب سەرپەرشتییا سەرۆک مەسعوود بارزانى مەکتەبا سیاسى دێ کۆمبیت و دێ بڕیارەکا ئێکلاکەر ل دۆر پرسا سەرۆککۆمارێ ئیراقێ دەت.

حەفتییا بۆرى پارتى دیمۆکراتى کوردستان و ئێکەتى نشتیمانى کوردستان ل هەولێرێ کۆمبوون، ل گۆڕەیى زانیارییان شاندێن هەر دو ئالییان نەگەهشتنە چ رێککەفتنان.

ئەڤرۆ شەمبییێ 10-1-2026ێ ب سەرپەرشتییا سەرۆک مەسعوود بارزانى مەکتەبا سیاسى دێ کۆمبیت و دێ بڕیارەکا ئێکلاکەر ل دۆر پرسا سەرۆککۆمارێ ئیراقێ دەت و هەمى ئەندامێن مەکتەبا سیاسى یا پارتى دێ پشکداریێ د کۆمبوونێ دا کەن.

زانیاریێن گاڤ دیاردکەن مژارێن کۆمبوونێ پێکئینانا حکومەتا نوى یا هەرێما کوردستانێ و پرسا سەرۆککۆمارێ ئیراقێ یە.

ل گۆڕەیى زانیارییان پێشبینیە ئەڤرۆ پارتى دیمۆکراتى کوردستان بڕیارا خۆ یا ئێکلاکەر ل دۆر پۆستێ سەرۆککۆمارێ ئیراقێ بدەت.