گاڤ

هێزێن ئاسایشا ناڤخۆ ل تاخێ شێخ مەقسوود بەرسڤا راگەهاندنا سۆپایێ سووریێ دا و رەتکر شەڕ و هێرش ل حەلەبێ هاتبنە راگرتن.

د راگەهاندنا هێزێن ئاسایشا ناڤخۆ ل تاخێ شێخ مەقسوود هاتییە: وەزارەتا بەرگرییا حکومەتا دیمەشقێ بانگەشەیا راگرتنا شەڕ و ئۆپەراسیۆنان دکەت ل تاخێ شێخ مەقسوود، ئەڤە بزاڤەکا ئاشکرایە بۆ تێکدانا رایا گشتی.

دوپات دکەین کو ئەڤ بانگەشەیە نەراستن، تانوکە ژی میلیشایێن حکومەتا دیمەشقێ نەخۆشخنەیا خالد فەجر یا سڤیل ب تانک و دەۆنان دکەتە ئارمانج و ژمارەکا سڤیلان برینداربووینە و ئەڤە بنپێکرنەکا ئاشکرایە بۆ هەمی یاسا و عورفێن مرۆڤایەتییێ.

ژ ئالییێ خۆ ڤە ژی هێزێن سووریا دیمۆکراتیک راگەهاند: دوپات دکەین کو هێزێن مە ب چ رەنگان چ دەڤەرێن سڤیلان ل حەلەبێ نەکرینە ئارمانج و هەمی راگەهاندنێن بەحس ل وێ یەکێ دکەن نەراستن و دویرن ژ راستییێ.

ئەڤرۆ دەستەیا ئۆپەراسیۆنێن سۆپایێ سووریێ راگەهاند: ژ دەمژمێر 3:00 هەمی ئۆپەراسیۆنێن سەربازی ل هەردو تاخێن ئەشرەفییە و شێخ مەقسوود هاتنە راگرتن.